影片
更多
2021-11-19
266 瀏覽
聽講呢間café 人氣好高, 成日都好多人食, 所以今日碰吓運氣, 希望早d 去到唔使排隊。結果等咗大概35 分鐘, 終於入到去喇。環境好舒適, 枱與枱嘅距離好足夠, 唔會有壓迫感, 而好多枱都有一邊係梳化位, 好好坐。🍝黑松露忌廉雜菌意粉黑松露味超級濃, 意粉汁好creamy, 不過唔會令人覺得油膩。雜菌簡直多到滿瀉, 無論係視覺效果定味蕾感覺都係十分之好。呢個意粉真係好好食。🍝菠菜合桃意大利藍芝士長通粉Café 話係新菜式, 個配搭其實好新穎, 藍芝士聞落有少少咸味, 食落口又比想像中淡味。長通粉係肥肥地短短地嗰種, 有粗坑紋, 比較有口感。菠菜同合桃都唔會太搶味, 不過有各自特色, 亦都好健康。🍝咸蛋黃薯條又係滿瀉系列, 滿滿嘅咸蛋黃, 所以味道偏咸。而薯條因為淋咗咸蛋黃喺面, 所以完全唔脆, 食落會有油膩嘅感覺。🍝海鹽焦糖爆谷梳乎厘班戟出色之作! 梳乎厘班戟做到好軟綿綿, 真係有食空氣嘅感覺, 入口即溶, 配合埋海鹽味嘅cream 一齊食, 唔會太甜, 焦糖爆谷唔會淋咗, 焦糖味好香, 加埋一齊食令到個層次更豐富。整體食物質素好高, 服務態度亦好好, 唯一係要有心理準備花長時間
環境好舒適, 枱與枱嘅距離好足夠, 唔會有壓迫感, 而好多枱都有一邊係梳化位, 好好坐。
🍝黑松露忌廉雜菌意粉
黑松露味超級濃, 意粉汁好creamy, 不過唔會令人覺得油膩。雜菌簡直多到滿瀉, 無論係視覺效果定味蕾感覺都係十分之好。呢個意粉真係好好食。
🍝菠菜合桃意大利藍芝士長通粉
Café 話係新菜式, 個配搭其實好新穎, 藍芝士聞落有少少咸味, 食落口又比想像中淡味。長通粉係肥肥地短短地嗰種, 有粗坑紋, 比較有口感。菠菜同合桃都唔會太搶味, 不過有各自特色, 亦都好健康。
🍝咸蛋黃薯條
又係滿瀉系列, 滿滿嘅咸蛋黃, 所以味道偏咸。而薯條因為淋咗咸蛋黃喺面, 所以完全唔脆, 食落會有油膩嘅感覺。
🍝海鹽焦糖爆谷梳乎厘班戟
出色之作! 梳乎厘班戟做到好軟綿綿, 真係有食空氣嘅感覺, 入口即溶, 配合埋海鹽味嘅cream 一齊食, 唔會太甜, 焦糖爆谷唔會淋咗, 焦糖味好香, 加埋一齊食令到個層次更豐富。
整體食物質素好高, 服務態度亦好好, 唯一係要有心理準備花長時間等位, 不過真係好值得再去。
黑松露忌廉雜菌意粉
7 瀏覽
0 讚好
0 留言
菠菜合桃意大利藍芝士長通粉
20 瀏覽
0 讚好
0 留言
咸蛋黃薯條
6 瀏覽
0 讚好
0 留言
海鹽焦糖爆谷梳乎厘班戟
17 瀏覽
0 讚好
0 留言
張貼
