花斑茶社 (珀御)

營業中

休息中

首先去到間舖頭做緊bts應援，所以成間舖頭都好有氣氛，而且空間都好大可以喺舖頭飲埋嘢飲，或者等拎嘢飲嘅時候都可以坐。-名間四季春加芝士奶蓋 因為見到係花斑推薦嘅，咁就諗住試吓呢個茶底，點知飲落去都幾驚喜，同個鹹奶蓋好夾，而且芝士好厚實配埋啲茶就啱啱好，茶香味都幾重，但唔會澀口，今次就叫咗少甜啱啱好。-檸檬冰茶加蜂蜜珍珠 推薦學生可以去買，就係$18一杯，學生恩物，而且都有五款可以選擇，咁我就叫咗綠茶微糖，有淡淡嘅綠茶香，相對呢杯就會比較澀，但係因為有檸檬加持，所以就啱啱好，今次叫咗微甜，配埋珍珠就啱啱好，個珍珠好Q彈而且甜甜地。