研香

營業中

休息中

同朋友叫咗三款甜品share 食，包括招牌開心果豆腐花﹑龍眼冰﹑芝麻巴斯克蛋糕。豆腐花揀咗電子Menu建議嘅半甜，我哋食落認為正常糖會更好，撇除甜度呢部分，開心果豆腐花的確足料，有好小好小嘅開心果碎，入口香甜，豆腐花亦都夠滑。而龍眼冰第一口食落去個味唔太濃烈，但愈食愈有龍眼味，同冰上面啲椰果之類嘅東東都夾🤔，味道唔突兀。最後係芝麻巴斯克蛋糕!好濃郁嘅芝麻味，口感creamy，不過就同menu張相唔同，佢出到嚟唔係流心效果，唔通係佢雪太耐，解凍唔夠，定係影相先用流心配方?真係不得而知🤔但係總括嚟講，佢哋啲特色甜品都幾唔錯。