太平館餐廳

營業中

休息中

太平館內的食物質素高，識食嘅人去到一定會叫佢哋嘅招牌菜，今日我都唔例外，叫咗佢哋嘅瑞士雞翼，葡國雞飯，乳鴿，牛脷飯，再加多個周打魚湯，當然唔少得嘅就係佢哋成個湯碗咁大嘅梳乎里啦。叫咗三個餐，先來餐湯或沙律，跟着係頭盤，再嚟主菜，食物份量非常充足，雞翼肉汁鮮美，賣相一流，牛脷非常厚身，肉質彈口，一試難忘。佢哋特製嘅豉油味道啱啱好，超級好味。食物嘅溫度亦啱啱好，周打魚湯湯料充足，味道稍為鹹了一點，不過呢啲係個人嘅喜好。侍應生招呼周到，老牌食店應該就係有咁嘅質素，值得一讚。