老馮茶居 (大棠路)

今日黎到元朗飲茶，普通茶樓緊係滿足唔到我啦， 今次黎到老馮茶居，裝修得好有舊時香港情懷，有舊式公屋走廊既牆，有碌架床，綠白地磚，真係好好feel，好岩帶埋老人家黎懷勉一下過去。食物方面，晚餐都唔會要你叫小菜，都係一籠籠點心，一兩個人都可以黎食！今晚就叫左兩個湯，一個椰子鱷魚肉湯，一個蟲草花煲雞， 好好味好抵飲，$38蚊一盅，足料又夠味！點心方面，叫左古法馬拉糕，xo醬炒羅白糕，蝦餃燒賣，一碟菜同牛仔骨。蝦餃燒賣好多蝦好足料，啲蝦隻隻都彈牙，唔係出面比啲死左既蝦黎包，牛仔骨都好好味， 係厚厚既牛肉 唔會得啲骨冇乜肉，醬料又夠濃！大推！馬拉糕都好大件，有黑糖香味，但就乾左少少。總體黎講都好值得黎食，淨係食個懷舊感已經抵晒！