李家 (已結業)

其實係見佢尖沙咀分店喺 Openrice 有過百個『舐舐脷』，所以揀咗佢嚟試下。店舖以粉藍色同木紋色裝修，座位闊落而且唔會好嘈吵，同朋友靜靜地吹下水最適合不過。好多人食過個芝士雞蛋卷，於是我哋又跟風。紅色番茄汁配黃色芥末汁顏色夠晒搶眼，切開中間係芝士流心添架，WOW~另外仲有炸雞同海鮮焗飯。焗飯比較普通，都係主打嘅韓式菜式正啲。嘢飲叫咗紅 (Raspberry)、黃 (Pineapple)、藍 (Blueberry) 三色。紅色同藍色都幾重藥水味，所以影完相都無飲晒。