鳥海山鐵板燒 (已搬遷) 新店位置

今日嚟開長沙灣，係舊區中穿梭，竟然有間鐵板燒係青山道。友人話齋呢排終於開關，雖然未有得飛日本住，但都可以食下日料止止癮先。門面木系風格，店內牆上壁畫充滿日本feel。打開menu，店家晚上主打鐵板燒套餐，另外仲有刺身壽司可以叫。由於有係九州食伊勢龍蝦嘅美好回憶，今次都叫個龍蝦set回味一下。套餐有沙律、比目魚燒、刺身4款、薄牛肉燒、原隻龍蝦、炒雜菜、櫻花蝦炒飯同麵豉湯，絕對夠二人食。比目魚燒，油脂味豐富，又唔腥，肉嫩多汁，火候啱啱好刺身上嘅時候，店員好細心一一介紹種類同食法，個醬油啫喱有少少驚喜，鮮度唔錯。嚟到主菜，上枱果陣香氣十足，引人期待，味道口感都食得岀新鮮，店員貼心提醒我地反轉蝦殼都仲有肉，隻蝦望落唔算好大，但份量多。值得一讚就係提供濕紙巾抹手！最後就係薄牛肉、炒飯、湯同菜，水準一致，但略嫌過咸，如果有水果或小甜點作結balance返會更好。