牛扒先生 (新都會廣場) (已結業)

之前都有食過牛扒先生晚餐，估唔到原來佢個午餐都幾吸引！餐牌上有好多個選擇，經過一番考量，終於揀了最貴的午餐—西冷牛扒！ 重點係佢個扒餐可以自選牛扒熟度，唔似一般快餐冇得揀！所以要了一份五成熟牛扒！用餐前可先去廚師吧自取一份沙律拼盤，種類選擇都幾多下，仲可以揀唔同的沙律醬汁，但沙律自取只限一次性哦！ 餐包同餐湯都係自取，連餐飲都係！奶茶、咖啡、檸茶檸水⋯而我就揀左龍眼蜜～龍眼冰就飲得多，龍眼蜜就真係第一次！味道帶淡淡蜜糖味，清清甜甜，感覺比較滋潤，唔錯！ 牛扒的份量唔算大，只係佔碟3份1左右大小，五成熟的扒相對平時食開的好似熟左少少，但肉汁仍保留，淡淡牛香唔覺濃，肉質都算嫩，至少啖啖肉，食唔到有筋，算係唔錯！牛扒醬汁就略嫌味道唔夠濃，未能去到扒汁相容。 初初以為件扒咁細份唔飽！但只要食完個前菜沙律、餐包、餐湯⋯再到牛扒！其實已經可以叫飽！最後仲來多一個餐後甜品⋯芒果牛奶布甸⋯淡淡芒果味中又帶有淡淡牛乳味，質感好幼滑！真係為呢個午餐點上一晴！