熊小館

營業中

休息中

好耐冇黎紅熊小館，今次係平日嘅下午，餐廳人數唔多，反而可以慢慢坐，休閒和舒適地過咗個下午！呢度嘅裝修真係好用心，就算唔係小朋友，都應該迷倒好多少女的心，好多打卡位。午市嘅選擇都有不少，揀咗一個「野菌汁西冷牛扒」，都只係$77，已經包餐湯及包/沙律/甜品，仲可以配飯/意粉或薯菜，由於我好想食甜品，所以加$9要埋！餐湯和包都幾好，而主菜西冷都好好食，兩塊都好腍，呢個價錢黎計實在超值。薯菜份量都多，薯條幾粗身，都脆！另外佢有個「美國安格斯漢堡配炸薯條」做緊特價， $78 ，所以我哋都叫咗一個試吓，個漢堡都幾大，仲大過個包皮，而且都幾厚身，面頭拮住兩塊酸瓜，如果加多塊芝士應該會更好味。是日甜品係燉蛋，用蜜糖畫咗個笑哈哈樣子，雖然唔算得好滑，不過都幾好食既。餐茶我要咗熱咖啡，奶已經落咗，都沖得幾好味。