棋哥燒鵝餐室

營業中

休息中

聽朋友講棋哥燒味好好食，剛好路經天后見到有分店，就即刻行左入去！入面客似雲來，好彩今次唔駛等好耐就有位啦！入面裝飾比出面燒味店企理乾淨，高級茶餐廳格局！雖然迫左少少，但都坐得舒服既～餐牌價錢比普通燒味店略貴，但食物質素又相對好！一分錢一分貨啦！今次叫左個乳豬燒鵝雙拼飯，仲加左隻咸蛋！😂賣相非常吸引，食指大動呀！燒鵝有一層濃濃特別既煙燻味道，而且舊舊都係啖啖肉！😍😍乳豬外皮非常香脆，而且脂肪同肉既比例都係岩岩好，食落一d罪惡感都無，唔覺得肥膩！再加上咸蛋送飯簡直係絕配！至於服務，落單無耐就有得食，唔駛等好耐，非常有效率，服務員亦都好勤快！總括其食物質素同服務，物有所值！👍🏼