沙嗲王 (樂富廣場A區)

營業中

休息中

🍛Lunch時間同同事去咗公司附近食晏，太耐冇食沙嗲王，同事提議食呢間。🍛以前讀書年代已經食呢間，每次都係食白咖喱豬扒飯。今次我就試吓其他啦，我叫咗冬陰功湯海蝦墨魚餅日本職人幼麵，但我加錢轉讚岐烏冬🍜。呢個冬陰功湯超正，有好香既椰乳味，材料超豐富，墨魚餅大大件啖啖肉、秀珍菇大大朵、蝦都有四五隻、烏冬更加係QQ彈彈，正👍🏼。🍛同事就叫咗白咖喱豬扒飯，豬扒有三大塊，炸得啱啱好，肉質嫩腍多汁，香茅味亦都好突出，而白咖喱汁更加係整碟飯既靈魂，點豬扒同白飯都超正，真係一粒飯都冇食剩。野飲我地叫咗百事同荔枝紅茶配寒天粒粒，飲完透心涼。