沙嗲王 (樂富廣場A區)

沙嗲王最出名係沙嗲同白咖喱，真係由細食到大，果陣d餐廳非常有特色，用海盜船做位，完全係而家的網紅打卡店，之後經過多次改革，迎合更大眾化市場，食物變得更多元化，餐廳裝飾變得較普通，可惜。今次食佢個榴槤芒果椰汁穌，超抵食，幾十蚊，岩架啦，榴槤唔可以食咁多，岩岩好。…查看更多

尋晚去食晚餐，叫咗個冬陰功湯雞扒墨魚餅日本職人幼麵。碗麵上到嚟色同香都有，感覺係好正宗嘅冬陰功味嚟。點知第一啖飲個湯，超淡，唔知溝咗幾多水落去稀釋佢，一啲辣味都冇，又唔香，淡過飲水👎🏻同職員反映，啲姐姐話佢哋唔係泰式冬陰功味，係沙嗲王嘅冬陰功味，所以會「淡啲」。我心諗：你唔係泰式都冇理由好似淡到好似飲水咁啊嘛，真係淡到連老人家都食唔出嘅味。超級失望，係我食過最難食嘅冬陰功🤮👎🏻可能係我後生，見識少，唔知有咁淡嘅冬陰功，又鍾意食濃啲，但連我同行朋友一飲個湯都講咗句：「嘩到底溝咗幾多水落去」。唉，之後姐姐幫我拎咗碗麵去廚房加湯底，加完都係淡，超失望。但唔想嘥嘢所以夾硬食晒佢，碗麵仲要成$70，真心覺得被騙，呢間垃圾唔會有下次🤥…查看更多

沙嗲王的煉奶饅頭想不到沙嗲王都有不辣而又好吃的選項。點了炸饅頭, 顏色相當好, 是金黃色的, 沒有黑﹑沒有燶, 火候控制得很好, 吃起來絲毫不油膩, 而是仍帶點脆口的, 外皮大致都沒有變軟, 可謂外脆內軟, 相當不簡單。而且還配上甜甜的煉奶, 一點也不吝嗇, 有煉奶吃是極邪惡的好吃, 非常美味, 吃起來一點也不單調, 很美味的甜品。配上沙嗲王的產品更是一流, 甜品可以中和食物的辣度, 完美搭配。這次我們點了很多外賣, 喜歡店家將食物包裝得很妥善, 而且送餐的速度很快, 抵讚。…查看更多

去到沙嗲王的樂富分店樂富，基本上我每次都會叫依間既白咖哩豬扒飯。因為每次食，我都覺得好好食～所以每次都會叫返依碟飯🙈白咖哩汁的口感濃郁且帶有一絲香甜，搭配上鬆軟的飯，形成了一種絕妙的味覺享受。每一口都能感受到白咖哩的香氣緩緩釋放，讓人不禁想要再來一口。豬扒的部分亦不容小覷，外脆內嫩，肉質鮮美。經過精心醃製的豬扒，咬下去時，鮮汁四溢，讓豬扒的風味和白咖哩汁相得益彰。同埋豬扒份量頗多，有三塊～撈汁食飯係一流❤️❤️❤️…查看更多

周末唔知食乜好，就不如食番最愛嘅白咖喱啦。可能而家啲人北上消費多，1點鐘黎到只要等左1張枱，好快就已經有位啦。白咖喱香茅豬扒飯白咖喱汁好香濃，甜甜地又唔辣口，加上香茅豬扒好腍身，真係好香好好食。🥹蒜蓉牛油雞翼隻隻雞翼都好大隻，蒜蓉味好重，外脆內軟，咬落去啲肉汁必晒出嚟，正👍🏻凍檸茶茶底好濃，檸檬都叫多，凍檸茶嚟講算整得唔錯😊白咖喱香茅豬扒烏冬烏冬好彈牙，雖然白咖喱變湯底溝淡咗，但配上烏冬又滑又彈牙嘅口感，又另有一番風味。芒果椰汁沙冰配寒天波波個芒果汁好濃，唔似齋糖水開嘅嗰種感覺，配上椰汁嗰種清新嘅口感，夏天消暑一流。入邊仲有椰果同寒天，幾有嚼頭。…查看更多