九五至尊火鍋狗毛

營業中

休息中

餐廳位置在尖沙咀，裝修採用中式設計，座位舒服，空間感十足，仲設有酒吧區和VIP房。餐牌除左主打既中式火鍋之外，仲有多款泰國菜提供，選擇多元化；而家餐廳做緊推廣，可以任食麻辣鴨血及蜂巢豆腐，另外凡Follow餐廳IG 並Share IG Post，就可以免費享用一款精選火鍋湯底，非常抵食。我哋揀左胡椒豬肚湯底，胡椒帶微辣，濃郁惹味，咸酸菜醃得入味，豬肚軟腍，喝湯後身體暖笠笠。安格斯三角肥牛：油脂分佈平均，肉質鮮嫩，好高質。黑豚肉片：肥瘦相間得宜，肉質有層次感。脆鯇片：魚肉片新鮮爽脆。手打四寶丸：有墨魚丸、牛肉丸、蝦丸、豬肉丸，款款都大粒又彈牙。雜菌拼盤：有多種菇類，索滿湯汁精華。蟹肉炒粉絲：蟹肉好多，粉絲炒得乾身，泰式滋味。芒果糯米飯：芒果香甜，糯米飯煙韌，泰菜必點甜品。總結，餐廳食物質素有水準，店員服務態度好，值得推薦。