雲壽司 (已結業)

同男朋友呢排周圍搵好西食，上網搵到呢間新開既壽司店，評價都幾好咁就黎左😂開餐之前緊係要飲杯綠茶清清個口，咁先食到壽司既鮮味，餐廳既綠茶粉好香，唔洗好多粉都已經好濃綠茶味，前菜餐廳而家like 社交平台同share帖文就可以送個蟹柳青瓜沙律，加埋蟹籽既吱吱口感，好開胃👍主食我地每人揀左自選壽司12件，盛惠$198，望住師傅即叫即整，眼前既食材全部都表面反曬光，證明好新鮮，自己最中意食火炙左口魚同三文魚腩，火炙既效果令到左口魚入口即溶，滿滿既油鮨香真係每一啖都係幸福既感覺，三文魚則加左啲日本香葱，口感乾身啲且厚肉啲，葱吞拿魚蓉同辣吞拿魚軍艦亦都係必食，辣味啱啱好唔會嗆喉，又唔會搶走吞拿魚既鮮味，吞拿魚蓉師傅真係整得好好，紫菜爽脆，沾啲豉油一啖咬真係完美，帆立貝好大隻，赤蝦非常鮮甜，質感爽滑，基本上全部都好想食完再食，男朋友唔中意食三文魚，所以揀左金線鯛、深海池魚、油甘魚、真鯛等唔同既魚類，佢話無唸過唔食三文魚都仲有咁多選擇滿足到佢，表示食得好開心，絕對係性價比極高既sushi set🍣🍥😁