上海榮華川菜館

營業中

休息中

今日放工之後去咗觀塘APM行街，周圍搵吓有冇上海菜食，因為我今日突然間好想食回鍋肉，行吓行吓去咗崇仁街，見到一間老字號小店。青菜豆腐湯：好適合今日咁熱嘅天氣飲，簡簡單單好清甜，好有家嘅感覺。花雕醉雞：濃烈嘅酒香，雞身好滑，好有雞味，我係會連埋皮食。回鍋肉：炒得好有鑊氣，少少辣帶動到成碟餸，椰菜好掛汁，送飯真係好一流。八寶茶：我第一茶飲，甜甜地，好足料，飲完成個人好舒服。我哋兩個人去咁啱有個二人餐真係好抵食除翻開每人都係百零蚊，下次我會叫多幾個人去因為餐牌上邊好多選擇。