上海榮華川菜館

營業中

休息中

晚市黎食 叫左個二人餐 幾抵食酸辣湯 真心正 唔會太辣 係我地中意既偏酸好多料係入面 正 同埋好大兜😂 真才實料下次黎都會再叫個湯 😍小菜揀左2樣🟡韭黃鱔糊同醉雞 🐔個鱔糊好好送飯 清晒 🟡醉雞酒味比較濃 我地都中意🟡額外叫左個小籠包 有4 粒 開頭我地諗 看似皮厚 但食落完全唔厚 好多肉汁 啖啖肉我地會再黎食 下次試埋甜品 😋大家多多支持小店 係用心整的食品 btw 真係人人口味唔同+ 要求既服務態度都唔同 至少我覺得 唔係啲差評講到咁先囉 💪🏻 老闆加油

注意只符合個人口味非專業食評！本來睇完Openrice都驚唔好食不過50年老店點都畀一次機會有一說一老牌店家庭式經營要有好好服務好靚裝修嘅可以去翻APM小弟由細住到大嘅地方都有一間咁上下嘅上海館不過2018老闆突然執咗(一路都有食客唔關生意事)十分驚喜嘅係呢度竟然做得返嗰個味道因為嗰間上海館係講緊二十幾年前已經食緊亦都有父母嘅朋友係上海人去食過話係正宗嘅所以我就一路記住嗰個上海館嘅味道去到而家其實就同呢度差唔多大同小異喇都係老牌上海味好啦入大直路講翻嘢食先酸辣湯夠酸夠辣足料！同埋佢唔係嗰種會令人濁親嘅酸嚟得比較溫和，去到尾都冇水撩撩勾芡有功夫，本身諗住打包返去畀屋企人試下，事關屋企人都幾嘴刁，點知埋完單唔記得咗，灰L咗回鍋肉終於食得返呢陣味，唔知點解而家坊間好多都係做四川嗰隻，即係落豆豉花椒豆瓣醬嗰隻香口為主，而呢度係做返上海甜身肉唔柴嗰隻重食到菜味，食到個下對眼直頭瞪大咗獅子頭小弟食獅子頭唔係食得多，但係之前食過嘅都好實的的，而呢度嘅係做嘅係淋身無渣，仲有少少霉香鹹魚嗰隻霉香味，好食不過唔係食得多唔敢點評價小籠包餡嘅調味都可以，做到皮薄多汁，絕對係合格之上，人人口味唔同有興趣嘅可以試

貴都算！難食呀大佬！之前食都冇咁難食依間舖頭的食物讓我感到非常失望。首先，菜單上的選擇雖然多，但實際上每道菜的味道，都缺乏應有的風味。例如肉絲炒年糕炒到有燶味，份量又小，完全唔知食咗啲咩，豆漿溝左水一樣，淡而無味，完全失望到貼地，印象前幾年食都冇咁難食，可一不可再，永遠都唔會再食！！東坡肉冇寫價錢，都諗住百幾蚊有找，點知要成$288，得個幾粒，味道又偏鹹，其實貴都算好食咪得囉，但又唔好食又鹹又小。希望店主睇到可以做返以前嘅水準，我哋都唔想見到一間老字號嘅店舖會被淘汰！

我好少寫食評，但今次唔寫唔得，因為真係太難食，為免再有其他食客再中伏，所以我選擇上報，叫了回鍋肉，糖醋骨，小籠包，酸辣湯，回鍋肉一pat pat，糖醋骨只用豬肉，沒有用排骨，加點糖加點醋的炒豬肉，小籠包沒有肉味又沒湯汁還要不燙，酸辣湯又是一pat pat 的，好似糊仔咁，今年度最中伏食店沒有之一，食物質素差價錢又偏貴，咁差既質素夠膽死平均一百元一個餸，真不知醜濫收費，永不會再來😫😫😡😡😡😡😡

如果你嗰日過得太快樂，如果你嗰日覺得日子過得太好，又或者你嗰日冇人對你黑過面，又或者你好想貼錢買難受，又或者帶你男朋友或者女朋友去了解吓乜嘢叫做最極緻嘅西面，你可以參考吓佢。點解一定要寫到200字先可以評分？點解會有呢個決定？其實完氣仲要得閒坐喺度帶200字？真係要嬲到飛起先可以做到。仲有，我嗰日叫咗個小籠包，佢一直都冇上，後來佢話忘記咗落單，本來都冇嘢，竟然返到屋企發現俾你收咗錢🤨當然我唔可以怪佢啊，因為我自己冇檢查單

朋友約呢度晚飯，見呢度啲食評好多喊有啲擔心，但食完即刻上來幫佢平反佢既鍋貼有燶边不知几惹味，仲有賽磅蟹同醉雞都好正宗，津白好濃郁，甜品糍巴都好特別，外面熱辣辣，入面好煙韌。師傅一家人經營小店，我地走時佢地先開飯，好温韾。希望啲人不要受果啲食評影響唔來。

13/12 晚收工，由油塘出發，兩公婆諗住搵上海野食，於是記得多年前幫襯過的小店。大概8:00 ，得兩枱客，既然到左，都試下啦！坐近門口，方便睇車。叫了醉雞、小籠包、酸辣湯及炒年糕。結果冇一個菜是可以稱得上叫好味。小籠包不夠熱，醉雞冇雞味及霉霉地，是完全不好味。炒年糕都…. 哎，系叫差；酸辣湯有酸但不似預期的味道。其實所有菜都冇影相，因賣相不好。埋單要$3XX. 我吾知是已轉手或是第二代做得冇咁好。此店不會再幫襯，環境差，衞生程度差。

諗住係觀塘食餐返好入到門口完全無視我地 以為自己揀位坐啦 見個卡位無人正想坐落去時個職員大大聲叫坐第二度...明明一入門口已經見到我地又無招呼算 可能你地生意多做到個人燥底點知後面好戲正式上演啲野食平凡得黎份量又少又貴水煮魚200幾蚊個份量細到。。。。。。同出面茶記食一人小菜差唔多人均消費300蚊可以完全無飽嘅感覺衛生仲要好差地下係跣既 老人家唔小心都容易仆親個樓面仲可以若無其事咁真係食到一肚火本身都好少寫食評 真係極好食或者極差先會寫而今次係後者！劣！

未食過水平咁差嘅上海菜食物價錢同質素不成正比店員服務態度衛生情況欠佳 碗碟上枱仲有食物殘渣奶油津白變奶油水娃娃菜又淡又水小籠包皮厚又乾係百佳買包返屋企蒸都好食過佢

今晚特意由油麻地過去支持「上海榮華川菜館」，這間小店的裝潢有點殘舊，讓我感覺彷彿回到八十年代，估計已有三四十年歷史。雖然環境簡單，但卻散發著懷舊的魅力。我點了最喜歡的獅子頭和小籠包，搭配的客飯淋上了美味的汁，撈飯的口感一流，讓人忍不住多吃幾口。獅子頭的份量十足，一口咬下去，肉質滑嫩，肉汁充盈，真的非常好食。小籠包則是正正常常，裡面有肉汁流出，雖然沒有特別驚喜，但也足夠讓人滿意。另點的椰子清湯味道清新，為整餐增添了不少風味。這頓餐的價格相當實惠，客飯連湯和豆漿只需$62，小籠包$48，性價比很高。我已經計劃下次再來試試他們的回鍋肉客飯。老闆娘和她兒子用上海話溝通，而對客人則流利廣東話，讓人感受到入鄉隨俗的暖意。總的來說，這是一頓滿意的晚餐，值得再來光顧！

中學時期喺觀塘讀書，已間中幫襯，到近期睇香城映畫，先知餐廳現時由第二代接手，對新菜式「死前必食醬爆肉丁」好有興趣，前幾日又見老闆喺FB出POST話市道淡靜，抱住課金支持嘅心情，把握機會嚐新。香煎鍋貼$48鍋貼係上海菜代表食品，所以每逢去上海菜館必定會點。呢份鍋貼，皮比其他嘅薄，似餃子多過鍋貼，饀料都係平常水準，不過底部煎得夠脆，仲用麵粉水煎成羽根餃子，食得過癮。酸辣湯$78上枱夠熱，酸辣適中，如果多啲筍絲本耳絲會更好食。死前必食醬爆肉丁$138今次食飯嘅重點，睇完香城映畫慕名試食，肉丁有酒香夠惹味，上枱趁熱食滋味一流，不過如果京葱可以切幼啲應該更好食。鱔糊粗炒$138又想食鱔糊同粗炒，估唔到有呢個組合。鱔條爽口，韮黃夠多，薑絲夠幼細，醬汁可以再濃郁啲就更好。粗炒用烏冬比較失望，如果用番傳統上海粗麵，觀感就完全唔同。今晚準時6點到，連埋我都有4枱客，不過見到廳面未算好整齊，如果可以執番企理，好似「不租之客」條片咁樣，可以做多幾枱客。樓面阿姐配小妹妹，待客態度好似咖喱係片入面咁，無乜笑容，有欠親和主動，我相信不少觀眾都想支持小店同品嚐「死前必食醬爆肉丁」，今次晚飯，我認為食物水準不俗，不過

點了醉雞，$98份量只是外邊一般食肆份量的一半，味道也一般；以為鍋貼是招牌，結果底不夠脆，面又淋，賣相也不好。因為滾水放在膠水壺內，所以沒膽量飲水，唯有叫了$12/小紙杯豆漿，也是小杯得可憐！唯一可取是餸菜味道不算太鹹。

本身就好想支持佢嘅，所以專登山長水遠帶住個行動不便嘅母親大人都去食返餐，點知真係支持唔落，實在係難食，而且貴得有啲誇張， 一個鱔糊客飯(碟鱔糊係好細碟嘅)，一碟雞絲粉皮(佢真係雞絲粉皮只有雞絲同粉皮加上醬汁冇任何配料)，沒有任何豪華嘅裝飾，非常之平民但係收費$250。老實講你想人支持你，收貴啲唔係問題，但係食物質素真係唔好咁差，而家咁嘅質素真係唔會再幫襯多一次囉。首先講下個雞絲粉皮先，我係一個唔識整煮食嘅人，但係我自己整一定會整得好過佢，簡單講句真係冇技巧可言。講下個鱔糊啦，個鱔咬落去係爽嘅，呢個係唯一嘅好處，但係嗰啲醬汁全部傑到一pat pat，用筷子可以將個劈汁一舊舊咁夾起，入口真係有啲難受。成日喺社交平台 嗰度埋怨點解冇客，首先請檢討下廚藝，然後先至好要求啲客人多啲嚟食囉，講到尾收費實在唔平，如果好食嘅就值得， 但係唔好食就唔會再有回頭客㗎啦！

食上海菜嘅良心店真係唔多，觀塘呢間係其中之一。中午嚟到，簡簡單單叫個回鍋肉客飯，白飯轉我最鍾意嘅菜飯。先嚟碗例湯，係西洋菜煲瘦肉，入面仲有冬菇，勁足料，味濃之餘又唔覺有味精，飲完唔使扯水，啱哂勁缺湯水嘅我😂。回鍋肉味道同份量正常，亦冇乜一般上海菜嗰種油膩感覺，唔錯，不過美中不足係冇我鍾意嘅豆腐乾。另外，餐具衛生都有進步空間。幾鍾意呢度夠庶民，豐儉由人，你食個四十幾蚊嘅回鍋肉客飯又得，叫個九十幾蚊嘅炒鱔糊客飯又得，得咗😆。

我係外賣平台叫外賣，總共叫左$1xxx本身仲擔心叫得太多，點知份量少不得止，仲要難食！！！打去舖頭反應，個員工態度極度惡劣，我覺得如果店員態度好少少，都冇咁嬲，佢仲激動過我，然後理所當然咁，咁我打出嚟大家評評理！！！酸菜魚$268 但只有譚仔膠兜一碗 魚味勁腥 成碗得幾舊魚+酸菜(店員話我地係咁個喎，一係你去譚仔食囉）辣子雞丁$138 雞乾到 懷疑人生糖醋魚塊$122 係炸魚柳剪開 總要得5塊(店員仲話我地係8塊，唔係5塊喎！）涼拌海蜇 極難食 腥到爆 完全入唔到口人生未食過咁鹹既雞絲粉皮最後我同店員講，我作為客人，我只係反映食物質素同份量達唔到期望，但你態度差之餘，又唔接受的話，我只好去平台投訴！點知個店員態度更差，最後我已經唔想再同佢講！真係比錢買難受！建議大家唔好比錢體驗難受！