三ステーキ (已結業)

話說一直都好想試呢種自己控制熟度既日式石燒牛，今次經過灣仔，無意中發現到呢間全港有幾間分店既triple steak，所以就衝左入去試試佢🤩係店員既介紹下，我同朋友分別嗌左西冷同牛柳黎食。就咁單純睇價錢覺得西冷應該好食啲，所以嗌左西冷大份啲😆 一上到黎係一成熟既，而我地都係食開係medium，所以大概煎左陣就食得。牛扒入口幾軟腍，個牛味都好重下，不過有啲位都仲有啲筋🤭 同埋西冷煎耐左真係有少少un同鞋，個底仲燒到好硬好燶，如果嗌西冷一定要盡快切黎食🤣而牛柳就係店員推介既，因為佢話牛柳係三款牛扒之中最腍嘅，所以我地都嗌左塊黎試🤓 牛柳相對就厚身過西冷好多，入口果然比西冷更加腍更好食😌 由於佢厚身啲，所以就算燒耐左，都唔會好似西冷咁個底燶哂硬哂，兩者黎講，我比較推薦牛柳，好味啲之餘性價比都高啲😆整體黎講，我覺得石燒牛其實係食體驗多過食牛，一手一腳自己燒係真係幾好玩，仲可以自己落唔同既調味料，不過我覺得簡單落啲鹽已經夠哂味。佢仲有沙律吧放題，自己可以無限refill湯，飯，沙律，我自己就幾中意佢個胡椒湯😚 另外唔使驚佢燒到好大陣味，每個位上面都有個迷你抽油煙機，燒完都唔覺自己好臭🤣 呢間店間