The Point Kitchen (奧海城二期) (已結業)

今日行商場在這裡又見到這間唔錯嘅意式風味餐廳，午餐價錢相宜，選擇多之餘還可以座得十分舒適，當然行完一輪街這裡就係首選啦！望見餐牌有我最愛嘅意大利香腸肉醬長通粉，就係咁選了這個主食，加埋個個清新嘅凱撒沙律，同埋加錢升級埋個甜品曲奇忌廉芝士餅，加埋杯飲品就係個set 嘅選擇！但係再望都係要加埋個小食棒棒雞翼，感覺要這樣先至係最抵食！最快就係個前菜凱撒沙律，上面放滿了香濃芝士碎，同埋香脆嘅麵包粒，加埋香脆嘅沙律菜，先清一清個腸胃！接住就係個小食棒棒雞翼，可解係棒棒呢？原來廚師將雞翼去了一支細骨後，再將肉反上，好似個錘仔咁，夾住條骨一啖入口全部都係啖啖肉，燒得香嫩滑熟，三件真係有啲少！😁接住就係個意大利香腸肉醬長通粉，大大碟，上面放滿了肉醬之餘，加埋煙韌彈牙嘅長通粉，還有當中夾雜住了爽口濃味嘅意大利香腸粒，加埋個汁酸甜嘅味道十分醒胃！完成了就差不多要上埋個甜品曲奇忌廉芝士餅，一件香濃芝士餅拼上一塊朱古力曲奇餅，當然主角就係件芝士餅，入口唔會好溜嘅感覺，但芝士味道都幾香濃軟滑，而餅底就脆口，雙重口感十分滿足！最後追加埋杯意式泡沫咖啡，就係一個Hea 下嘅時間，回味今餐之餘，又可以慢慢享受一下自在