影片
更多
2021-06-09
275 瀏覽
之前光顧過銅鑼灣店，今日打算重遊舊地，再次邂逅當日食過，記憶中美好嘅吉列牛。而家大大話話都仲疫情緊，所以皇后對環境衞生，都有最低限度嘅要求。畢竟生意難做，而且出街食，有啲嘢，睇唔到就睇唔到架啦。人人都有對眼，唔通個個都識X-ray透視咩。潔手、量體溫、寫埋紙仔，坐低想飲啖水。揮一揮紙巾，輕輕一抹，黃色嘅？杯水偷食呀？⋯唔緊要，機會係人地比嘅。「唔該，幫我換過兩隻杯吖，麻煩晒。」然而呢個世界，一山還有一山高。大家可以放大張相睇睇，晨早流流，比我塊面仲多油。好！算！生意難做，皇后番城堡先飲水。睇下有咩食先。哇！你咪太太太嫲當年攝灶罅嘅武功秘笈！？啊！唔係，係餐牌，但⋯我仲掂唔掂好？今日嘅主角到咗，但經過水杯一役，皇后仍然心有餘悸⋯到底隻碟⋯而且筷子⋯唔通要用⋯？公道講句，味道就不過不失嘅，不過記憶中嘅味道，同現實都有啲差距。而且，明明幅相，有好多碟伴菜，但皇后得到嘅，係幾碟伴醬。明嘅，圖片僅供參考。味道同你買個$49嘅韓國蟹膏罐頭差不多。但價錢同份量就⋯不過！人地有付出努力同燈油火蠟。個蟹殼唔知又付出咗幾多次嘅努力呢？綜以上所說，皇后食完無肚痛，可見皇后嘅腸胃都係銅牆鐵壁，萬夫莫敵。一眾老
而家大大話話都仲疫情緊，所以皇后對環境衞生，都有最低限度嘅要求。畢竟生意難做，而且出街食，有啲嘢，睇唔到就睇唔到架啦。人人都有對眼，唔通個個都識X-ray透視咩。
1 瀏覽
0 讚好
0 留言
潔手、量體溫、寫埋紙仔，坐低想飲啖水。
揮一揮紙巾，輕輕一抹，黃色嘅？
杯水偷食呀？⋯唔緊要，機會係人地比嘅。
「唔該，幫我換過兩隻杯吖，麻煩晒。」
5 瀏覽
0 讚好
0 留言
然而呢個世界，一山還有一山高。
大家可以放大張相睇睇，晨早流流，比我塊面仲多油。好！算！生意難做，皇后番城堡先飲水。睇下有咩食先。
9 瀏覽
0 讚好
0 留言
哇！你咪太太太嫲當年攝灶罅嘅武功秘笈！？
啊！唔係，係餐牌，但⋯我仲掂唔掂好？
吉列牛定食
1 瀏覽
0 讚好
0 留言
今日嘅主角到咗，但經過水杯一役，皇后仍然心有餘悸⋯到底隻碟⋯而且筷子⋯唔通要用⋯？
公道講句，味道就不過不失嘅，不過記憶中嘅味道，同現實都有啲差距。
吉列牛定食
0 瀏覽
0 讚好
0 留言
而且，明明幅相，有好多碟伴菜，但皇后得到嘅，係幾碟伴醬。明嘅，圖片僅供參考。
蟹膏飯團
8 瀏覽
0 讚好
0 留言
味道同你買個$49嘅韓國蟹膏罐頭差不多。
但價錢同份量就⋯不過！人地有付出努力同燈油火蠟。個蟹殼唔知又付出咗幾多次嘅努力呢？
綜以上所說，皇后食完無肚痛，可見皇后嘅腸胃都係銅牆鐵壁，萬夫莫敵。一眾老百姓，除非想清下腸胃，或者想挑戰會偷食嘅水杯，就嚟做勇者啦！
2 瀏覽
0 讚好
0 留言
張貼
