影片
更多
2013-06-19
39 瀏覽
今次係我既第一次打食評，有啲緊張-w- 今日諗住去李鄭屋漢墓，點知去左深水埗先發現係長沙灣行過去好似近啲，但已經出左閘，唯有上地面搵下有咩美食本身想買個坤記砵仔糕，點知佢地仲放緊假，19號先開返周圍行既期間就比我發現新香園，出名既蛋牛治加上我又未試過，就係咁我就入左去。一入去，我就發現企係水吧入面果個人好熟面口。。。。原來係 做開兒童節目既伍文生！見佢都會好有禮貌又風趣咁去serve客 其實真係好想同佢講我係睇佢既節目大 其實我都係今日先知佢係新香既太子爺-_-今次我同友人一行二人，叫左三樣食品：西多，豬手通，蛋牛治烘底 加一杯凍奶茶兩份飲落單無耐，一分鐘之後就泥杯凍奶茶係屬於高水準奶茶，茶同奶既比例係調較得唔錯，有奶既滑茶既香，不過飲多啖就覺得過甜。。下次可以嗌返少甜。等多陣，豬手通同西多都到了。我的西多，來的時候係脹卜卜既，一切落去就發現唔係鬆軟既，食落口，一如預料，唔係鬆軟。但係佢個皮就異常地脆食落就有啲似炸饅頭咁。 crack一聲 而味道係不過不失既 整體都係ok既友人既豬手通，第一次食豬手lol，所以我落唔到咩評價，但係由於我一向都唔係太喜歡食啲膠質重既食物，而我今次又食
今日諗住去李鄭屋漢墓，點知去左深水埗先發現係長沙灣行過去好似近啲，但已經出左閘，唯有上地面搵下有咩美食
本身想買個坤記砵仔糕，點知佢地仲放緊假，19號先開返周圍行既期間就比我發現新香園，出名既蛋牛治加上我又未試過，就係咁我就入左去。
一入去，我就發現企係水吧入面果個人好熟面口。。。。原來係 做開兒童節目既伍文生！見佢都會好有禮貌又風趣咁去serve客 其實真係好想同佢講我係睇佢既節目大 其實我都係今日先知佢係新香既太子爺-_-
今次我同友人一行二人，叫左三樣食品：西多，豬手通，蛋牛治烘底 加一杯凍奶茶兩份飲
落單無耐，一分鐘之後就泥杯凍奶茶
係屬於高水準奶茶，茶同奶既比例係調較得唔錯，有奶既滑茶既香，不過飲多啖就覺得過甜。。下次可以嗌返少甜。
等多陣，豬手通同西多都到了。
我的西多，來的時候係脹卜卜既，一切落去就發現唔係鬆軟既，食落口，一如預料，唔係鬆軟。但係佢個皮就異常地脆食落就有啲似炸饅頭咁。 crack一聲 而味道係不過不失既 整體都係ok既
友人既豬手通，第一次食豬手lol，所以我落唔到咩評價，但係由於我一向都唔係太喜歡食啲膠質重既食物，而我今次又食得哂一舊豬手，而且想encore，我都會推介既 [好不中肯啊呀!!!]
食哂２樣啦，我同友人都覺得泥到呢度唔食蛋牛治好似差啲野咁，所以我都飽哂都叫左個蛋牛治烘底
當然啦，係無失所望既，佢地將牛肉同蛋煎埋一齊，同外面食開既唔同，特別既。仲有！佢個牛肉係去茶餐廳食沙嗲牛肉有既味！加上蛋邊有啲脆，唔太油，個包烘到脆。 平凡材料，加上自己既心得同技巧，就成了一道如此美味既食品！！！
heehee絕對有下次呀!希望一路keep住水準!!
題外話/補充資料：
ohohoh，因為今次我係突然想開始打食評，所以無影到相lol
(以上食評乃用戶個人意見 , 並不代表OpenRice之觀點。)
張貼