維港灣餃子坊 (已結業)

今日剛好早放工，走到出元朗大馬路揾下有乜好食，行到水車館街見到有間水餃店，有員工即場包鮫子，重見幾多人係店外排隊等外賣，心諗應該吾差既就坐低試下餐牌上有推介芝士流心粟米鮫，同黑松露鮫非常適合個人口味(重口味)😂，就叫左兩款黎試試，佢重會送埋是日例湯，等你消一消膩口既感覺，先講下個黑松露鮫，皮算正常厚度，不會太厚影響咬感，黑松露既味亦算足夠，令人想食完有上癮咁第二味鮫子就係芝士流心，此鮫子聽落可能市面上太多同款不同既餐點，心想冇乜特別，但一食完第一啖，打消剛才既念頭，d芝士味非常夠，不會好像平常Pizza食落好似膠既芝士。除此之外我重叫左一道小食口水雞，佢係同一般不同，佢係凍盤既形式上盤，醬料亦因為佢凍盤既關係，令味道不會太濃，算係另一種新既食法。另外順帶一提，建議飲下佢個豆漿，豆味非常濃，同日本既豆腐雪糕既濃度可以比較一下。