食代館 (MOKO新世紀廣場) (已結業)

早上8點幾就到達新世紀，參加活動之前先吃個早餐，商場3樓有food court食代館，有數家食店在營業，其中一間新記雞粥，食碗粥都唔錯喎。早餐選擇有粉麵和粥，見有生滾豬潤粥就想食，配個豉油皇炒麵，久違的粥早餐。現煮生滾粥烹煮需時，俾完錢去搵位坐底先，等咗5-8分鐘有得食喇。新鮮滾熱辣嘅生滾粥豬潤，攞完自己加蔥花，小心燙口，太熱要抖吓無咁熱先至食豉油皇炒麵豉油香氣撲鼻而來，銀芽份量唔孤寒喎，麵條有蛋香，不油膩，口感乾身得嚟軟硬適中，好吃！生滾粥豬潤豬潤好新鮮，而且天然沒添加，正！(加料醃過的豬潤口感會變得漲浮)工作忙沒時間煲豬潤水，可以間中食碗豬潤粥，補吓。好大兜粥，食完炒麵已經飽咗大半，食唔哂要打包一半走。