吞POT 雞煲火鍋.住家菜 (譽發廣場) (已結業)

早幾日細佬仔話想食打邊爐，睇過OpenRice見到好多人推介呢間吞POT雞煲火鍋住家菜❤️睇餐牌好似幾唔錯，啲嘢食真係好有品質喎！入到去舖頭感覺呢度好型格呀！見到旁邊有一個好大嘅魚缸喺度 感覺好似去咗水族館一樣 舖頭嘅燈光適中，喺度打邊爐真係好有feel架 真係同一般火鍋店好唔同！我哋今日先點咗一個胡椒豬肚雞煲，材料份量十足，湯底濃郁帶鮮甜嘅味道，帶有少少辣辣地！冬天食就真係啱晒啦！接住落嚟～我哋就叫咗十全大寳丸❤️裏面嘅口味，分別有黃金海膽黑墨丸、黑松露墨魚丸、多種口味選擇 每一粒嘅丸子都各有特色非常特別！最後就要介紹吓佢哋嘅珊瑚蚌，每一條都好新鮮好鮮甜！用嚟打邊爐真係一流啦！店舖啲姐姐服務好周到，每上一碟菜都會介紹菜式名俾我哋知，非常貼心呀呢度嘢食都幾多種選擇，如果你仲諗緊去邊度打邊爐不妨試吓吞pot 雞煲火鍋住家菜啦！