隆記茶室 (已結業)

傳統嘅早餐，之前都講過其實一般西式餐廳，冰室等等嘅早餐，係來來去去果幾個款。重要嘅分別係在於佢哋嘅質素，嚟到呢度覺得佢嘅質素唔錯，有少少突破。佢嘅特別，就在於佢嘅牛油扒多士，佢個餐牌上面寫咗牛油扒多士，究竟係乜嘢呢？起初我都以為係普通嘅牛油多士，但係整出嚟見到好似有少少分別，食落去個分別就更加大，佢個多士應該係用煎嘅方法。估計應該係將牛油搽落去個厚多士到，然後將搽左牛油嗰邊就攞去煎，所以做到上面係脆，下面就係軟嘅感覺，而且味道食落去除咗有牛油味之外，仲有少少甜甜地，感覺味道幾好，幾有新鮮感。其他嘅嘢食個質素都幾好，個湯底都幾濃，雖然感覺係有少少味精味，但食落去都ok。另外佢呢度有個特點，就係佢嘅湯類通粉或者面都會落少少蔥花喺度，食落去加埋佢個湯就會更加香口。呢個番茄牛肉湯麵係常餐，全日都有供應，佢嘅常餐本身係包通粉，但係我轉左個面，需要加＄3，牛腩都幾多，幾足料。整體來講整個早餐嘅質素都唔錯，價錢來講兩個人埋單大概要＄90，相對於茶餐廳嚟講，呢到嘅價錢唔算平，但係佢嘅質素係幾好。