吃茶三千 (K11 Musea)

營業中

休息中

同friend行街行到K11musea，想飲肥仔水，一search發現選擇竟然係比想像中少，不過好在都見到吃茶熟悉嘅身影😂吃茶真係好鐘意開係啲唔係最主幹嘅地方，但偏偏有時我都會想掘佢出黎飲，因為佢有啲茶飲係幾特別嘅，加上茶底都有誠意，一於Gogogo！仲要上到4樓添😂Musea 4樓真係冇嘜人，但估唔到入到黎都keep住有客。佢有得自由配搭茶底配料個啲，平時我揀青檸芬朵西多，好少飲其他，今日唔想飲酸，就揀左水果茶。店員姐姐勁有禮貌勁sweet sweet😂都想讚一讚。等左10分鐘左右，不過就係鐘意佢用機現萃陣茶味，都算ok快架啦。水果茶係鳳眉紅茶底～平時我就怕飲紅茶啲澀味嘅，但呢杯啲水果好足料😂好好咁平衡左個紅茶嘅味，啲料仲潷極都有，好正。friend揀左凍頂烏龍鮮奶茶，偷飲左佢一啖🤭好順滑～果然揀吃茶係有質素保證嘅！