Futago HK大阪燒肉

營業中

休息中

坐低叫左サワー同烏龍茶，座位有啲迫 圓碟係牛脷，薄燒爽口啲，menu都有厚切的。方碟係一set幾款肉咁，肉嘅質地唔錯。另外有塊牛小排要早一日預訂。因為都幾大塊，職員會幫手燒，一落枱就介紹，掛住聽都唔記得左影相。但明顯人手唔夠，一個STAFF SERVE幾張枱，大部分時間都要等，但又限時交枱喎🤔 建議請多啲人手，經常要等(好耐)、帶位都黑面。明嘅，忙呀嘛！由於等嘅過程太耐，叫左泡菜同大豆芽食住等。另外再散叫左牛胸腹肉同牛柳，相對於頭先set嗰啲肉就脂肪多啲所以入口香啲。響日本燒過啲內臟係爽嘅想食返，職員話如果爽嘅就係呢碟牛心頂。的確係爽嘅，不過好un....整體來講其實係幾好食，不過都未嗌最貴嗰啲肉，已經$500一位....🙈題外話，洗手間算乾淨，仲有漱口水、除味spray供應，跟足日本做法。