影片
更多
2022-10-16
402 瀏覽
重點：今餐係聽住周國賢「我們不是無辜的」，食封門柳豬油撈麵❤️🤣。認識珍姐呢間舖頭係因為MM條片，唔知點解覺得佢嘅日間版，有少少澳牛阿哥/叔影子，快狠準。夜間版火鍋時段，係我心目中茶記昇華版（又諗起被逼結業嘅 #東寶小館），可惜隨住年齡嘅增長，骨質嘅疏鬆，應該冇乜熟朋友肯陪我去中環夜蒲。咁就唯有的起心肝搵機會去食個午餐，今日終於去到，對於一個本身鍾意食打邊爐本地牛肉同豉油王撈麵嘅人，呢個係Perfect match❤️，加埋啲靚銀芽，一個字，正👍🏻（純粹個人麻甩口味）。我真心覺得牛肉雙份我都食到，但係豬油撈麵我就食咗一半，然後裝咗返屋企，因為我啱啱坐喺冷氣風口，太大風好快凍哂。本身我仲想買一個雞飯外賣，真正招牌菜，疫情期間，佢哋都係靠呢個雞飯撐過去。不過我好快已經聽到侍應哥哥一埋嚟就話雞飯冇晒，咁下次啦。#珍姐海鮮火鍋飯店💛💛💛💛💛
認識珍姐呢間舖頭係因為MM條片，唔知點解覺得佢嘅日間版，有少少澳牛阿哥/叔影子，快狠準。
夜間版火鍋時段，係我心目中茶記昇華版（又諗起被逼結業嘅 #東寶小館），可惜隨住年齡嘅增長，骨質嘅疏鬆，應該冇乜熟朋友肯陪我去中環夜蒲。
咁就唯有的起心肝搵機會去食個午餐，今日終於去到，對於一個本身鍾意食打邊爐本地牛肉同豉油王撈麵嘅人，呢個係Perfect match❤️，加埋啲靚銀芽，一個字，正👍🏻（純粹個人麻甩口味）。
我真心覺得牛肉雙份我都食到，但係豬油撈麵我就食咗一半，然後裝咗返屋企，因為我啱啱坐喺冷氣風口，太大風好快凍哂。
本身我仲想買一個雞飯外賣，真正招牌菜，疫情期間，佢哋都係靠呢個雞飯撐過去。不過我好快已經聽到侍應哥哥一埋嚟就話雞飯冇晒，咁下次啦。
#珍姐海鮮火鍋飯店
💛💛💛💛💛
張貼
