漢興茶檔

營業中

休息中

好食嘅野我未必會寫，但難食嘅野一定會記得，因為好影響我心情。粉嶺名物？笑了。呢間茶檔食物主打多士同丁麵。就叫左一碗餐蛋麵加熱檸水。竟然唔洗兩分鐘就上枱。好大機會係整定。希望我諗多左。一望落去，麵已經腍左。我由細到大都最憎食腍麵。我都曾經係餐廳煮過丁麵，餐廳大火力可能要減少少時間，煮開一定冇可能唔知時間。主打丁麵，竟然上黎碗麵係腍？？俾埋機會個餐肉同煎蛋。餐肉唔脆，蛋冇蛋味，兩者都唔熱。而事實係，當你俾錢嘅時候就見到係一早整定。食左一半走人。難怪依家唔洗排隊仲有好多位添。真係餓住個肚都冇咁嬲。如果自問對食物有少少要求，黎到聯和墟搵食，行入少少啦，大把更好選擇。