火鍋撚 (雲明行) (已結業)

一入到去好中國feel, 又兵馬俑, 卡位又係涼亭式設計。同3個朋友去食, 當中有人唔食得辣既關係, 所以叫左鴛鴦鍋:一個係祖傳秘製麻辣湯, 另一個係蜂巢豆腐白湯, 兩款湯都有我最愛鴨血🤤🤤個麻辣鍋真係唔係講笑, 面頭有10粒圓碌碌既辣椒, 然後用個湯勺一撈, 撈到好多花椒,個湯愈滾得耐就搞到大家個鼻愈黎愈痕, 副作用係不斷流鼻水同打乞嗤😭🌶🥵;而蜂巢豆腐白湯入面都有好多藥材, 所以都係可以飲夠先開始落餸打邊爐。打邊爐點少得牛牛🥩🥩🥩~ 所以我地叫左御用手切肥牛同埋A4霜降肥牛。個手切肥牛厚薄適中, 唔多肥膏, 夠嫩滑! 霜降肥牛夠薄, 放落個鍋唔駛10秒就可以攞起黎食👍👍另外, 我地仲叫左即炸響鈴, 仲要配埋甜酸醬, 即食又得, 唔咁熱氣放落鍋滾3秒攞上黎食又得, 得左!4個人食兩個鍾🕑🕑, 埋單HK$21XX, 圍起每人HK$500零蚊, 坐得舒適, 服務又好, 係值回票價!不過食之前大家要挑戰下腳骨力, 行條大斜上山頂先⛰⛰