Via Tokyo

營業中

休息中

話說早前睇到一篇文，介紹呢間舖頭，睇到話呢度抺茶好正，於是趁聖誕節，出去銅鑼灣行一轉，順便試下呢度啲抺茶先當日我六點幾去，所以人唔算太多，有幸唔洗等位。我點左一杯抺茶培茶雪糕，再加一個濃朱古力配草莓醬嘅雪糕，外形好似一個米田共，好可愛！抺茶培茶雪糕抺茶味比我想像中有少少唔同，可能偏重奶少少。我個人比較鍾意食重茶味嘅抺茶雪糕。草莓醬黑朱古力雪糕非常濃味，咬一啖上面頂頂嘅草莓脆皮，酸酸地，好食作為朱古力怪嘅我表示好滿足店細細，一個日本老闆，一個香港店員，感覺都幾舒服，不過櫈就唔太舒服，每枱距離太近，講野無私癮，唔適合去長坐傾計。