東記上海麵

營業中

休息中

自從介甩左「瘋購梁九記」條癮之後，已經好少會去大埔。今次仲上埋街市上面搵食，見到東記就決定聞名不如試食。我覺得最難既係搵位，我哋飄泊咗好耐都拍唔到張好檯。之後隔離檔向我地招手，話幫襯飲杯茶可以搭單食個麵～其次就係等食，大大話話都等左半個小時先有得食。豬扒炸菜上海麵炸菜海量多，淡口唔會咸。豬扒超厚，外層金黃帶蒜末；可惜太淋太多油了。略覺豬扒唔夠入味，但有肉汁補救。老實就唔係太喜歡這個上海麵，好似浸到發左咁，淋得過份。味道普通，但足料份量取勝。可能就係街市熟食既租金唔會壓榨食店，店家可以回饋多點俾客人吧