火鍋撚 (雲明行) (已結業)

下晝食完飯返嚟就收到舊同學嘅電話，以為佢有咩大事要宣布啦😲原來佢只係抽起條筋，話好想收工去打邊爐。我見反正得閒，就陪吓佢癲🤪 第一次嚟到「火鍋撚」，感覺好似返咗古代咁，我哋四個被安排坐喺窗邊嘅卡位，環境都幾闊落。大家見到餐牌上 #蜂巢豆腐白湯鍋 注明係「鎮店推介」咁緊要，就叫半鍋嚟同 #麻辣湯 雙併😋 啖湯又真係幾足料嘅，搞到我最終忍唔住飲咗成碗落肚先食嘢😉 我呢個牛魔王就梗係要份 #A4霜降和牛 先夠大滿足，油花均勻入口即溶... 正呀👍🏻 另外我哋仲叫咗花竹花、桶蠔都好新鮮😋 仲有佢哋嘅水餃、醬爆丸都做得非常出色，搞到我哋把口一路話要減肥，但係又食到唔停得口😅 埋單嘅時候，餐廳仲送咗每人一杯腐竹雞蛋沙冰比我哋清吓喉嚨，外貌特色之餘，味道仲好豐富... 讚！