影片
更多
2023-05-19
2382 瀏覽
honey 生日搵地方慶祝，偶然見到茶聊呢個名，仲以為係食中菜，上網搜尋原來係食西餐， 見到個紙巾寫住Tea is my therapy， 好鍾意呢一句話，👍 用茶來療癒身心， 真是智慧之作，茶係我嘅至愛，無論中茶西茶， 最緊要係坐得舒服食得開心。🥰🥰餐廳喺一樓，入門就見到 一個好前衛嘅圖案寫住茶聊， 門口好窄，但入到去就好闊落，仲有一排窗口位望街景，樓底好高，裝修係有啲現代派嘅感覺。🥳🥳餐廳名叫茶聊，就一定要讚下呢度啲茶，我哋叫咗一個熊仔鮮奶咖啡，一杯熱水果茶， 熊仔咖啡非常特別，有一個冰做嘅熊仔，佢坐喺個杯度，另外有兩小杯咖啡和鮮奶， 店員哥哥仔教將啲奶倒落個熊仔度，等熊仔慢慢溶，真係有療癒嘅感覺，睇住個熊仔慢慢消失，然之後慢慢飲杯咖啡，有得睇又有得飲。 熱水果茶更加有驚艷嘅感覺，💥💥 巨型嘅杯裝滿一大杯水果，有西瓜🍉蜜瓜🍈青檸🍋菠蘿🍍士多啤梨🍓熱情果，🍯顏色鮮豔七彩繽紛，果香四溢，飲落口清香甘甜 ，色香味俱備，係我飲過最好味嘅水果茶，亦都係名副其實嘅水果茶。主菜小食甜品都好出色 ，我最鍾意炭燒西班牙豬頸肉，燒到脆卜卜，食落又好juicy，再點啲酸酸甜甜嘅泰式醬汁，真係好開胃，食得
43 瀏覽
0 讚好
0 留言
餐廳喺一樓，入門就見到 一個好前衛嘅圖案寫住茶聊， 門口好窄，但入到去就好闊落，仲有一排窗口位望街景，樓底好高，裝修係有啲現代派嘅感覺。🥳🥳
餐廳名叫茶聊，就一定要讚下呢度啲茶，我哋叫咗一個熊仔鮮奶咖啡，一杯熱水果茶， 熊仔咖啡非常特別，有一個冰做嘅熊仔，佢坐喺個杯度，另外有兩小杯咖啡和鮮奶， 店員哥哥仔教將啲奶倒落個熊仔度，等熊仔慢慢溶，真係有療癒嘅感覺，睇住個熊仔慢慢消失，然之後慢慢飲杯咖啡，有得睇又有得飲。 熱水果茶更加有驚艷嘅感覺，💥💥 巨型嘅杯裝滿一大杯水果，有西瓜🍉蜜瓜🍈青檸🍋菠蘿🍍士多啤梨🍓熱情果，🍯顏色鮮豔七彩繽紛，果香四溢，飲落口清香甘甜 ，色香味俱備，係我飲過最好味嘅水果茶，亦都係名副其實嘅水果茶。
主菜小食甜品都好出色 ，我最鍾意炭燒西班牙豬頸肉，燒到脆卜卜，食落又好juicy，再點啲酸酸甜甜嘅泰式醬汁，真係好開胃，食得好過癮。
招牌漢堡包， 材料新鮮又夠大分 ，最鍾意入面有啲新鮮生菜蕃茄，好濃香嘅芝士令到成份漢堡包非常豐盛嘅感覺， 薯條新鮮炸起，點茄汁食 ，停唔到口。
海王櫻花珍寶蝦配龍蝦汁忌廉汁手工闊條麵 ，好大隻炸蝦 ，手工闊條麵索曬龍蝦汁，加埋好多蘑菇， 極之美味。
甜品係宇治抹茶忌廉牛油千層酥配雪糕， 睇個名就夠吸引，份量超大，好香嘅抹茶加埋軟滑嘅忌廉雪糕，再多一份都食得曬。
張貼
