幸福鳥 (K11購物藝術館)

營業中

休息中

朋友生日話要去食好嘢，一早已經預訂左尖沙咀K11地舖的幸福鳥，日式串燒餐廳，餐廳座位舒適，吧枱牆上有好多日本酒擺設，裝修得好有日本居酒屋感覺。餐廳餐牌選擇非常多，豬牛雞海鮮蔬菜等等串燒，應有盡有。拉絲芝士玉子燒 $98，一大啖落去感覺有好多芝士，但係加埋沙律醬一齊食又唔會覺得太油膩，玉子燒雞蛋皮算相當嫩滑。幸福鳥雞脾肉燒 $38，啖啖肉之選，表面脆脆地，但雞脾肉都仲係好嫩滑多汁，好食。燒飯團 $45，飯團表面燒到脆脆地，入面仲係軟。