影片
更多
2022-12-25
283 瀏覽
冬天就係要食芝士火鍋，身為芝士愛好者嘅我今次就係衝住佢個芝士火鍋而嚟，我哋兩個人嗌咗個NeNe滋味套餐二人餐，包咗一個芝士火鍋配烤麵包，半份任揀味道嘅炸雞，一個迷你雞蛋卷， 另外再喺（芝士年糕伴拉麵，Ribs，手抓飯）入面揀一樣，仲有兩杯58蚊以下嘅嘢飲，咁多嘢加埋都係438蚊連加一咋NeNe芝士火鍋配烤麵包麵包脆卜卜點埋溶咗嘅芝士醬好好食，不過芝士只係用個好細嘅蠟燭仔熱住，只係keep住微溫，所以要快啲食哂佢半份韓式甜辣炸雞（無骨）半份個size啱啱好，每人食到三至四件，雖然叫做韓式甜辣不過佢個味道唔係好韓式，冇乜辣味，係香港人嘅口味迷你明太子雞蛋卷雞蛋卷可以揀泡菜或者明太子，我哋揀咗明太子，上到嚟好大份，一啲都唔迷你，面頭嗰啲係蟹子，雞蛋卷入面有好多明太子好夠味芝士炒年糕拌拉麵呢個比較似韓式口味，都幾辣，份量好多，除咗有拉麵年糕仲有好多魚糕同魚蛋片，我哋最後都飽到食唔哂愛文芒果乳酪特飲同士多啤梨乳酪特飲凍冰冰酸酸甜甜，用嚟解辣就最啱
NeNe芝士火鍋配烤麵包
麵包脆卜卜點埋溶咗嘅芝士醬好好食，不過芝士只係用個好細嘅蠟燭仔熱住，只係keep住微溫，所以要快啲食哂佢
半份韓式甜辣炸雞（無骨）
半份個size啱啱好，每人食到三至四件，雖然叫做韓式甜辣不過佢個味道唔係好韓式，冇乜辣味，係香港人嘅口味
迷你明太子雞蛋卷
雞蛋卷可以揀泡菜或者明太子，我哋揀咗明太子，上到嚟好大份，一啲都唔迷你，面頭嗰啲係蟹子，雞蛋卷入面有好多明太子好夠味
芝士炒年糕拌拉麵
呢個比較似韓式口味，都幾辣，份量好多，除咗有拉麵年糕仲有好多魚糕同魚蛋片，我哋最後都飽到食唔哂
愛文芒果乳酪特飲同士多啤梨乳酪特飲
凍冰冰酸酸甜甜，用嚟解辣就最啱
張貼
