協奏坊西餐廳

營業中

休息中

聖誕節除了要食聖誕大餐之外，去充滿節日氣息的酒店嘆個靚靚Afternoon Tea也是不錯的選擇！位於銅鑼灣珀麗酒店2樓的Sonata，以英倫復古風格為主，以木色牆身和深綠色皮革沙發配上黑白棋格磚，華麗但不浮誇！聖誕佳節推出英式下午茶，多款鹹甜美點包括意大利風乾火腿蜜瓜、煙三文魚卷青瓜忌廉芝士、英式鬆餅、熱情果芝士蛋糕等，配搭豐富！$180 Per Person煙三文魚卷青瓜忌廉芝士味道層次好豐富，一啖仔唔會感覺好膩。意大利風乾火腿蜜瓜呢一個配搭一定好食，反而咁少好唔夠喉。鵝肝慕絲配青瓜呢個鵝肝真係好邪惡，慕絲質地，入口即溶，再夾埋個青瓜中和返鵝肝嘅膩感。水牛香辣雞翼我影相影耐左凍左少少，不過水牛雞翼辣辣地，好惹味。炸芝士條呢個就算我影左一陣相都好，咬開都有啲拉絲嘅感覺，好彩一舊半舊，如果唔係食呢個都唔洗食甜品。英式鬆餅配奶油忌廉牛油味好香，配埋兩款醬好味。熱情果芝士蛋糕芝士質地好正，而且熱情果中和返芝士小小膩感。忌廉泡特濃朱古力慕絲蛋糕好濃朱古力味，不過相對上比較甜。意式奶凍配士多啤梨汁奶凍奶味好香，不過士多啤梨汁略微唔係好夠。