The Oyster House (已搬遷) 新店位置

感謝好朋友請我食高質聖誕大餐平日中午都坐滿人。12.30到，大概坐了七成。菜單好吸引和全面。主菜也有多款選擇主菜我們選了鵪鶉和魚柳。聖誕特飲是檸檬特味，少少酸，頗甜，有檸檬香氣，酒杯的設計就是可以先嗅香味再飲。只得半杯，無添飲，可叫杯熱水。甜度是3/5，適中偏甜（汽水那樣甜）。栗子忌廉雞湯就有較強的澱粉口感，栗子味好出，搶了雞味風頭。鵝肝多士和生菜。多士較硬，叉拮唔入，脆得唻有水氣。鵝肝口感細滑，油香味ok. 生菜新鮮爽口，配蔓越莓果蓉（個人覺得係汁，因好水質）好開胃。等了37分鐘，魚柳先上枱賣相不俗，焗得好滑，魚汁充足過多兩分鐘，鵪鶉上枱。欣賞廚師處理了大腿以上骨，啖啖肉，又香又滑。翠肉瓜好脆，並帶有甜甜的瓜汁。薯蓉有夥粒咬感。最後以朱古力布朗尼配雲尼嗱雪糕作結濃香朱古力味令人振奮，有合桃，很好咬口。雲尼嗱雪糕ok,唔係特別滑。滿足的一餐。