影片
更多
2018-01-31
9403 瀏覽
其實我從來都未試過食聖誕大餐，所以今年就決定食自助餐嚟慶祝聖誕。本身想揀某間價錢幾抵嘅試下，但睇完comment之後，最後揀咗嚮會展嘅薈景，穩鎮之餘又算唔話太貴，始終唔想聖誕中伏咁掃興。講食物之前，講下佢嘅環境先。薈景嘅空間好闊落，枱同枱之間都會保持適當嘅距離，裝潢簡約得嚟帶點貴氣，唔會俗味，而且餐盤同架撐都幾乾淨，開放式廚房嘅衛生望落亦都唔錯，所以成間嘅環境都令人幾舒服同享受。 提早book位仲可以坐到窗口位望海景，就算唔係食聖誕餐，平時想食自助餐都不妨考慮一下過嚟會展食。薈景聖誕自助午餐嘅菜式唔算話特別多新花款，但種類都幾大路，一定夠食。 頭盤：黃麖黃油菇凍糕、鴨肝鴨肉凍糕、煙鱘魚、煙三文魚同各式火腿片等。一開場，K小姐就拎咗一大碟嘅麵包返嚟食，仲愈食愈滋味，表示第一次見人嚟自助餐食咁多麵包。而我就特別鍾意煙鱘魚同煙三文魚嘅擺盤，本身畀其他食客夾到好亂，但廚師見我影緊相，就特登幫我擺返好，抵讚！冷盤海鮮：生蠔、青口、大蝦同翡翠螺等；生蠔每次只可以拎3隻，蠔肉比較細同薄，重海水味，但就食唔出鮮蠔味，無令人想encore嘅衝動。另外多咗一款平時比較少見嘅琵琶蝦，肉厚，但唔爽嫩。熱盤海鮮
講食物之前，講下佢嘅環境先。薈景嘅空間好闊落，枱同枱之間都會保持適當嘅距離，裝潢簡約得嚟帶點貴氣，唔會俗味，而且餐盤同架撐都幾乾淨，開放式廚房嘅衛生望落亦都唔錯，所以成間嘅環境都令人幾舒服同享受。
提早book位仲可以坐到窗口位望海景，就算唔係食聖誕餐，平時想食自助餐都不妨考慮一下過嚟會展食。
薈景聖誕自助午餐嘅菜式唔算話特別多新花款，但種類都幾大路，一定夠食。
頭盤：黃麖黃油菇凍糕、鴨肝鴨肉凍糕、煙鱘魚、煙三文魚同各式火腿片等。一開場，K小姐就拎咗一大碟嘅麵包返嚟食，仲愈食愈滋味，表示第一次見人嚟自助餐食咁多麵包。而我就特別鍾意煙鱘魚同煙三文魚嘅擺盤，本身畀其他食客夾到好亂，但廚師見我影緊相，就特登幫我擺返好，抵讚！
冷盤海鮮：生蠔、青口、大蝦同翡翠螺等；生蠔每次只可以拎3隻，蠔肉比較細同薄，重海水味，但就食唔出鮮蠔味，無令人想encore嘅衝動。另外多咗一款平時比較少見嘅琵琶蝦，肉厚，但唔爽嫩。
熱盤海鮮：燒王帝蟹腳、芝士蘑菇焗龍蝦、烙帶子伴香辣牛油果醬同香煎鱸魚等。蟹腳由平時嘅凍食轉咗做熱食，反而無咁嫩滑多汁，所以我都係鍾意凍食多啲。
肉食：燒牛肉、燒火腿同燒火雞等。牛肉肉質鮮嫩，牛味重；而火腿肉就偏鹹，勝在肉質爽口結實；火雞肉(黑松露及家禽三拼)幾重松露味，加上中間釀咗鴨肉同雞肉，本身質次感應該幾豐富，但結果質感無乜特別，而且仲有啲乾身。
其他：香煎鴨肝、鴨胸、片皮鴨、同埋各種常見嘅熱盤小菜。
甜品數到超過10款，我就最鍾意佢嘅三文魚籽草莓燉蛋，因為真係好滑，而聖誕桃李梅芝士餅嘅餅身亦都好柔軟，食得出細膩嘅芝士味。
總括嚟講，薈景嘅自助餐雖然唔算特別出色，但至少對得住佢個價錢。
張貼
