牛陣 (大埔超級城B區)

營業中

休息中

老公話左要去牛陣打邊爐好耐 只係一直未有時間 難得聖誕節就緊係要好好慶祝一下啦 話說宜家做緊「冬戀美鍋」應該係特別限定 所以我地就決定叫一個試下 一坐底我地就即刻把握時間岀去拎野食 因為得個半鐘任食 有熟食 蔬菜 甜點食 配料自己調製 除左有日本直送美人和牛同澳洲穀飼牛肉之外 仲有豬柳肉同豬肋肉 可以牛豬一齊食 湯底非常濃烈 好有雞味 食埋佢地嘅手作雞滑 油揚蔥卷就啱哂啦 個美肌蔬菜盤有南瓜蔬菜蓮藕 d菜包含住雞湯 真心正 最驚喜嘅係佢地嘅咖喱配飯竟然好好食 咖哩入面有牛肉薯仔南瓜 非常足料 雖然正常任食係唔應該食飯 但我地兩個都忍唔住一人食一碗😂 仲要唔夠飽食埋Haagen-Dazs雪糕 超級滿足 順帶一提汽水係任飲 怕肥嘅朋友可以飲無糖烏龍茶