譚仔雲南米線 (金球閣)

營業中

休息中

呢日咁搵完呀婆，唔係既都好少黎呢度食。出番黎之後，真係唔知食咩好。唔想行去深水既情況下，黎譚仔都算係唔錯既選擇。人氣果然有人氣，真係坐到爆哂場。過橋米線呢個係同媽子share既，份量都算幾多。整體上同三哥既分別不大，不過我覺得米線既份量無咁多。都ok好食既，都算幾新鮮。而每樣既份量都適中，我特別鍾意佢既腩肉。因為肥瘦適中，算唔錯架。當然，如果腩肉可以醃左先就效果更佳。講番個大辣，呢間分店比我平時食開既辣，顯得其噴火麻辣既惹味。食完個米線，都有半飽既感覺。四十幾蚊都算幾抵。土匹雞翼雞翼當然係其中一個賣點，而面頭既芝麻碎先係皇道。其實佢麻辣雞翼上再加芝麻碎。食落好惹味之餘，味道更香更惹味。而雞翼唔會炸得太乾，肉汁都保存到。凍奶茶由於舅父唔飲野，所以杯野飲就自動歸我啦。我對佢地既凍奶茶情有獨鍾，因為茶味香而不澀。而且用既奶令杯奶茶更香滑。真係好好飲，唔錯架。呢餐都唔錯既，雖然人好多。但服務既效率唔會因而降低，野食都黎得幾快。食物質素都唔錯，有機會都可以翻兜。