102
24
25
影片
開飯介紹
馳名湖南酸辣米線, 川式四級噴火麻辣米線, 湖南土匪雞翼, 及蘭州拉麵(逢星期二及五晚上18:00後供應)
繼續閱讀
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
優惠
95折
【譚仔雲南米線】$50 現金劵 *無限量兌換* 即買即用
$47.5
$50
食評 (177)
今日又忍唔住要去譚仔擦返餐勁嘅！醫肚是無分時候嘅嘛！次次嚟譚仔，有幾樣嘢係我嘅必點items，今次都唔例外，一次過滿足晒我啲願望！🤩首先出場嘅梗係我最愛嘅小食之一——紅油豬耳啦！你睇吓啲豬耳，切到幾咁薄身，每一片都掛滿晒鮮紅色嘅辣油，再加埋翠綠嘅蔥花同埋少少芫荽吊味，個賣相已經夠晒吸引🤤。一啖咬落去，豬耳爽脆嘅口感真係無得彈，加上紅油嘅麻辣香味，辣勁十足但又唔會死辣，反而愈食愈開胃，用嚟做開胃前菜或者送米線都係一流嘅選擇！跟住就係另一樣小食經典——皮蛋。譚仔嘅皮蛋處理得好好，個溏心做得啱啱好，晶瑩剔透，睇落好吸引。佢哋會將皮蛋切開幾份，再淋上特製嘅辣汁，面頭灑上新鮮嘅芫荽同蔥粒，賣相都好靚仔。皮蛋獨特嘅甘香味，配上微辣帶甜嘅醬汁，再加上芫荽同蔥嘅清新，成個配搭好夾，陣陣香味撲鼻，食落口非常惹味，完全中和咗皮蛋有時可能會有嘅少少澀味，令人一試難忘！到戲肉啦！主角當然係大大碗嘅過橋米線啦！一上枱見到咁大碗，真係嚇親，份量十足，絕對夠飽肚。個湯底係奶白色嘅，睇落已經好濃郁，忍唔住要即刻試啖湯先，嘩，真係好鮮甜，唔會太鹹，飲落好舒服。米線煮得啱啱好，滑得嚟又唔會太腍，索晒湯底嘅精華。入面啲配料都好豐富，有嫩滑嘅肉片、索晒湯汁嘅豆卜，係啖啖都係料！每一啖都係滿足感，食完成個人暖笠笠，真係好幸福啊！😋總括嚟講，今餐譚仔依然冇令我失望，由小食到主菜都保持到水準，食得好滿足。下次一定會再嚟！
繼續閱讀
今日同老婆唔知食咩好 最後愉快地決定走去食譚仔啦 因為坐咗半個鐘都冇人得閒理 咁我地唯有叫外賣啦 叫咗個蒜泥白肉外賣 返到屋企打開睇到得4塊肉 4塊肉你夠膽收我30幾蚊 仲貴過雞翼 譚仔又再次刷新紀錄
繼續閱讀
譚仔雲南米線，米線自由配有很多配料選擇，有湖南酸辣湯底亦都有麻辣湯底，仲有好多辣度選擇.過橋米線:米線非常幼滑可口，仲有好多配料，有魚蛋 、牛丸、墨丸、豬潤、牛肉、雞肉、豬肉、腩肉、火腿、炸醬、酸菜、竹笙、芽菜、韭菜、腐皮、生菜、豆卜.加錢仲可以選擇風味小食同埋飲品.
繼續閱讀
首先同大家講講譚仔喺有分三哥定譚仔！ 你可以響門口睇牌分到，同埋睇佢哋用嚟岀菜嘅碗都可以睇到！如果係譚仔三哥嘅話就會用黑色嘅碗，相反係譚仔嘅話就唔會用黃色嘅碗，你問我三哥同譚仔有咩分別，對於我嚟講佢兩個分別好大，首先係菜式上面嘅唔同，有時候兩邊都會有一個特色嘅菜式同埋限定米線。如果嚟到香港想食啲平價又好味嘅美食呢一個好值得推薦比遊客食，因為呢個真係地道美食！價錢呢人均大概$50-$80都有，豐儉由人啦不過!今次呢我就嗌咗兩餸再加個麵，然後呢就再嗌咗個細嘅蒜泥白肉。如果你唔識揀嘅話，其實我覺得都可以推薦食一個過橋米線，因為我覺得過橋米線係好足料，男人食嘅話絕對係夠飽！
繼續閱讀
放工都9點多,去佐附近間譚仔醫肚！試佐今期米線新產品🥢紫菜豬肚蕃茄米線😋湯底係蕃茄湯,用佐新鮮蕃茄做湯底🍅十分之濃郁,豬肚切細,食落有咬口,,但份量不多反而米線幾多,略嫌米線質感硬佐些,可能煮得唔夠耐😅優惠價加$18有一人小食及一杯嘢飲🥤小食叫咗麻辣豬耳🐷🥢麻辣豬耳整得唔錯,雖然睇落好似好辣,食落又唔係好辣,咬落都幾爽口,都幾有層次😅凍檸茶叫咗少甜,非常解渴解辣！由於收十點,所以未食完店員已經吹埋單先,之後拿拿聲食埋尾後嗰幾啖就走人😅
繼續閱讀