Table

營業中

休息中

小朋友考完試，媽媽們鬆一鬆早餐，就揾一間寧靜而可以坐得耐嘅餐廳食。雖然商場冷氣不太足夠，但都還可以。 大家坐低後就各自叫了一份早餐。猪骨濃湯火腿通粉，湯底奶白色，飲落好creamy，帶住淡淡豬骨香，唔會太鹹，啱晒朝早暖胃。通粉煮得啱啱好，火腿切絲份量足，每啖都有鹹香味，簡單但好有茶餐廳風味。薑酒芫茜牛肉銀針粉湯底飲落有淡淡薑香，帶少少酒香，暖胃又開胃。整體味道清新又夠特別，啱晒鐘意飲薑酒湯底嘅人。香煎豚肉眼炒滑蛋薯餅呢個早餐賣相好吸引，豚肉眼煎得香口，肉質嫩滑，帶少少鹹香。炒滑蛋好滑溜，薯餅外脆內軟，配埋香腸同新鮮沙律菜，口感豐富又有層次。總括黎講食完夠晒飽肚，早餐嚟講算係高質。