Table

呢間餐廳成日都要排長龍等位，平日Lunch Time好難食得到，難得約左退休舊同事食lunch，梗係叫佢排定隊攞定位等我啦，不過由於限時70分鐘，真係要度啱時間先好入座。我們叫左兩份炭燒安格斯西冷牛扒配熱咖啡，手機落單，選項沒有「叫起」之類，所以如果杯咖啡未飲住，就要同侍應講聲杯咖啡遲啲先上。塊西冷好大塊，熟度適中，外層焦香，內有嚼勁😋，啲薯條亦好好味，仲配埋沙律菜，好滿足😊。如果唔想啲薯條腍哂，記得要「汁另上」。已經約好左舊同事下次再黎食。…查看更多

✨️今天介紹和推薦一間位於將軍澳中心地下的西式餐廳就是「Table」，它是一間在網上都是評分較高的餐廳，經常排長龍等候用餐。✨️這裡沒有晚市套餐，主力是散叫為主，不過餐廳在星期一至四有提供不同的優惠，例如薄餅半價，無限暢飲梳打，免費薯條一客等。✨️我們點選了一個鰻魚薄餅，小食拼盤，香蒜蜆肉意粉，厚切牛脷咖喱蛋包飯。首先，真是估唔到他們的份量咁大，碟碟都擺滿，不是碟大咁簡單。✨️小食拼盤有薯條，雞中翼四件，吉列炸蝦四件，香腸一條，炸豆卜四件。我們最喜歡吃香脆炸物，覺得黎到吃西式餐廳係要食下薯條😆薯條唔油好脆😂✨️個人推薦大家必吃厚切牛脷咖喱蛋包飯，原因就是他們的牛脷又大塊又厚切，又多件，竟然有六大件，仲要咬落去好淋💯咖喱汁少少辣，整體是幾正既口味😍✨️鰻魚薄餅方面，他們餅底好脆，芝士香濃，好似在吃餅乾一樣，是薄批😆幾特別既口感，下次再吃🤭✨️香蒜蜆肉意粉，蜆肉多多，香蒜味濃。✨️餐廳位置不多，但坐得舒服🤭📍Table📍唐德街9號將軍澳中心G樓G87及G90號舖…查看更多

半小時才出餐，漏單？？？唔知道？鬼咩，眼見一出就出同款4碟，過咗咪有排等囉，仲要限用餐70分鐘，30分鐘先到個飯俾我，我嗰個乜乜雲吞就好快到，打算等埋仔嗰份先一齊食？大家諗諗，擺咗半小時嘅意大利雲吞有幾好食？？？？垃圾!本身食物係正正常常，但趕時間就一定唔好去喇，又趕又食到一肚氣!…查看更多

原本星期日諗住食lunch，結果等了40分鐘，由lunch變咗下午茶，都唔緊要，兩個人，同一時間QR code下單，結果燒春雞食完，個漢堡飽都未出，距離下單時間40分鐘，坐低個陣話限時70分鐘交枱，吹脹🤬原來佢哋唔係跟點餐時間出．．一批一批，成批十個燒春雞餐出嚟，跟住就係壽喜燒牛肉飯，跟住卡邦尼意粉，最後個批．．漢堡飽．．條氣唔順，完全唔覺有什麼好食😞…查看更多

早餐方面，特別喜歡吃他們的燕麥杯，配上楓糖堅果，不要看他那麼少杯，吃起來非常飽肚。他們的北海道男爵薯餅特別好吃，也很健康。午餐方便特別推介他們的牛扒，價錢便宜，特別大份，薯條都是新鮮炸起的。他們的蛋包飯份量也很多，炸豬排也很多 , 一個女生根本吃不完。之前好像也有湯/沙律附送，最近只配送飲品。如果想吃，大家記得要早點排隊 .特別是早餐時段 , 不要快完早餐時段才去，會吃不到的。…查看更多

約左朋友嚟咗呢間環境唔錯嘅餐廳，名字好特別就咁叫《Table》，感覺好高級咁，但感覺似係日式西菜。佢有限時用餐時間90分鐘，幸好人客唔太多，冇刻意趕我地走。我點左個「安格斯板腱牛肉石鍋烏冬」，原先睇圖啲牛肉係生嘅，諗住係用湯底慢慢整熟佢，但嚟到係100%熟。雖然啲牛係100%熟，但肉質依然鮮嫩唔柴；另外係佢個烏冬唔知係咪等佢冇咁熱攤耐左，成個烏冬淋哂冇咁好食，一pat嘢咁冇哂口感。湯底嘅味道唔錯，，雖然我品嚐唔到佢係用咩嚟煮出嚟。估唔到嘅係，個烏冬係可以加湯，個味咁正梗係比佢加，同埋之後都冇嚴重口乾嘅情況，證明佢都唔係話好味精。另外佢有純西餐，下次可以再試下。…查看更多

餐廳環境開揚, 於商場中間位置成日經過都好想試下佢, 終於可以一試我地一行3人分別試左:**-吉列魚柳配炒滑蛋+蒜香酸種包魚柳不過不失,  炒滑蛋有點失準, 調味唔均勻, 朋友反映有幾啖係特別有味, 但反而蒜香酸種包有驚喜!!**-拉絲芝士咸牛肉炒蛋意式蕃茄香草包個人唔太鐘意佢味道, 偏重**-猪骨濃湯火腿通粉原本以為係茶餐廳菜式, 但一黎到見到湯底奶白色, 試左啖湯頭唔會太鹹感覺好味精又真係估佢唔到, 火腿都唔小**總結朝早可能商場未開, 感覺有小小焗促, 食物還可以會想再試埋其他野食同咖啡…查看更多

呢間舖頭喺商場路過每一次都排晒隊，今日午餐叫咗一份溫泉蛋藜麥沙律$78同埋紅酒牛尾配飯$78跟餐嘅餐飲千祈唔好叫咖啡，因為比快餐店嘅咖啡更差，好稀。加錢轉套餐$22嘅蘑菇湯都好稀，最好係嗰塊麵包。沙律柚子汁清新，蝦質素一般，不過不失。至於法式紅酒牛尾飯，正正常常⋯餐廳環境唔係特別舒適，枱同枱之間嘅距離好近，又食得好急⋯可能將軍澳區選擇唔多，所以一般質素都排晒隊。總括嚟講，失望嘅一餐⋯…查看更多

週末和先生來到這間歐陸風餐廳，正好適合來場慵懶的早午餐約會。 🌯 我的「牛油果辣牛肉墨西哥卷」驚喜十足 現烤的墨西哥餅皮包裹著辣牛肉，牛油果醬的creamy完美中和辣度，搭配的玉米片沾上自家製salsa醬，酸辣開胃。特別喜歡他們用紫椰菜絲增加爽脆口感，吃完整個也不膩。 ☕ 飲品搭配小心機 • 熱柑橘檸檬水酸甜醒神 🍔 先生的「牛肉芝士漢堡」暗藏玄機 安格斯牛肉餅厚實多汁，芝士味濃郁，層次讓人驚艷。薯條更是讓人一根接一根停不下來。 🍗 加碼的「唐人炸雞」是亮點 外皮酥脆，肉汁鎖得完美。 …查看更多

今日同事係將軍澳婚姻註冊處結婚，完去觀禮，又未到晚飯時間，但帶住個細路，就去平時都有食開嘅西餐廳Table食下野。我點咗個牛肉漢堡，漢堡扒厚身多汁，煎得啱啱好，仲有溶咗嘅芝士，夾埋個自家製醬汁，真係好滿足！老婆嗌咗個牛油果墨西哥卷，入面滿滿嘅陷料，加埋啲生菜同醬汁，清新得嚟又夠飽肚，健康得嚟又好味。另外追加咗份唐揚雞塊，炸得外脆內嫩，咬落仲有肉汁，份量亦啱啱好！環境舒服，服務又貼心，帶住手抱細路坐都唔覺得迫，性價比高！下次想食西式下午茶，一定會再嚟！…查看更多

小朋友考完試，媽媽們鬆一鬆早餐，就揾一間寧靜而可以坐得耐嘅餐廳食。雖然商場冷氣不太足夠，但都還可以。 大家坐低後就各自叫了一份早餐。猪骨濃湯火腿通粉，湯底奶白色，飲落好creamy，帶住淡淡豬骨香，唔會太鹹，啱晒朝早暖胃。通粉煮得啱啱好，火腿切絲份量足，每啖都有鹹香味，簡單但好有茶餐廳風味。薑酒芫茜牛肉銀針粉湯底飲落有淡淡薑香，帶少少酒香，暖胃又開胃。整體味道清新又夠特別，啱晒鐘意飲薑酒湯底嘅人。香煎豚肉眼炒滑蛋薯餅呢個早餐賣相好吸引，豚肉眼煎得香口，肉質嫩滑，帶少少鹹香。炒滑蛋好滑溜，薯餅外脆內軟，配埋香腸同新鮮沙律菜，口感豐富又有層次。總括黎講食完夠晒飽肚，早餐嚟講算係高質。…查看更多

今日與幾位同事一同前往公司附近的Table餐廳享用午餐，我們點了幾個Set Lunch一起分享，整體而言相當美味，在此與大家分享用餐體驗。炭燒安格斯西冷牛扒確實出色！牛扒厚度適中，切開後可見粉紅色肉質，口感柔嫩不柴。入口時能品嘗到淡淡的炭燒香氣，肉汁豐富，搭配的薯條與沙律菜也很爽口。香烤薄牛扒藜麥沙律較為清爽，牛肉切成薄片，與新鮮蔬菜拌食十分開胃。特調的酸甜沙律醬汁風味獨特，雖然名為沙律，但牛肉分量充足，不會讓人覺得單調。全日早餐內容豐富：香腸、煙肉、炒蛋、車厘茄、蘑菇等一應俱全。最令人驚喜的是炒蛋十分滑嫩，煙肉酥脆可口，車厘茄也格外鮮甜。雖名為早餐，但作為午餐食用也相當飽足。三人分享這三道菜分量剛好，既不會過飽也不會不足。餐廳環境舒適宜人，服務態度良好，上菜速度快捷。價格屬於中等水平，且免收服務費，以這樣的品質而言相當合理。這餐大家都吃得相當愉快，下次午膳時間想享用美味又不想花費太多時，這家餐廳會是不錯的選擇。特別是他們的牛扒確實出眾，喜愛牛肉的朋友值得一試。…查看更多

唔知食西式定日式好？咁就嚟將軍澳中心嘅Table啦🤩除咗有意大利飯、意大利麵同埋牛扒，亦都有日式咖喱飯同埋烏冬，選擇非常多😙🔆慢煮大啡菇牛肝菌野菌黑松露意大利飯$118黑松露味十足🤤除咗有大大嚿啡菇喺面，飯入面亦都有好多唔同嘅野菌，超級足料😆不過碗飯食落有少少膩，一個人自己食未必食得晒😬🔆鹽燒厚切牛脷北海道咖喱蛋蓋飯$118超級足料‼️有大大碟好滑嘅蛋蓋飯，亦都有六塊好淋嘅牛脷，食落超滿足😋以日式咖喱嚟講，呢碟算係比較辣，怕辣嘅朋友嗌之前要考慮吓🤓不過咖喱汁只係放喺側邊，所以可以自行決定辣度😁晚市套餐可以半價加飲品，今次嗌咗杯玄米抹茶燕麥奶。不過抹茶味比較啖，食完主餐再飲呢杯奶就比較膩🙈加$38就可以配埋是日餐湯同埋酸種包，今日嘅時候餐湯係黑松露椰菜花湯，味道相當唔錯🤩成間餐廳以西式簡約風為主，環境都幾優美，不過餐廳位於商場正中心，途人比較多，所以相對失色少少🙂‍↔️不過整體而言呢間餐廳冇乜挑剔之處，嘢食都好足料，十分推介😝…查看更多

將軍澳呢邊近排多咗好多Cafe🙂，最岩放假時約埋朋友一齊聚餐，今次揀咗係將軍澳中心其中一間人氣Cafe ，雖然位於商場開放位置😆，但環境都好大，設計偏向文青風，而且食物融合唔同國家嘅菜式😋❣️炭燒安格斯西冷牛扒配薯條$118+$17凍忌廉特濃朱古力西冷牛扒🥩充滿炭香味，牛肉味唔算好濃，薯條🍟新鮮炸起，配上少量沙律菜🥗解膩，呢個價錢可以接受😆，加錢配咗特濃朱古力🥤，忌廉同朱古力味超夾，甜度適中💁🏻‍♀️❣️唐揚炸雞北海道咖喱蛋蓋珍珠飯配熱奶茶 $88炸雞做到外脆內軟嘅效果，咬開仲好Juicy🙋🏻‍♀️，咖喱採用日式嘅做法，香濃得嚟唔辣😋，加上嫩滑嘅雞蛋同埋珍珠飯，呢個配搭冇得輸👏🏻🏦是次消費總額 $223（人均消費 $111.5） 👅好味度：8.5（10分滿分）餐廳係有限時嘅⏱️，但呢日放復活節假平日午餐嘅時間就唔滿座，職員就冇趕人走🤣，食物質素中上，仲要冇加一服務費，有機會再Encore🤓🍽️ Table 將軍澳唐德街9號將軍澳中心G樓G87及G90號舖…查看更多

呢間餐廳響商場入面，位置方便，戶外位置仲可以俾寵物同bb車坐，星期一仲做緊優惠豬肋骨＄98就食到，我地坐低左之後叫左一份香煎西班牙杜洛黑毛豬鞍架配薯菜，呢度既薯菜好特別係真既蕃薯粒粒加配蘋果蓉醬汁，蘋果蓉配黑毛豬鞍真係好夾。豬鞍肉質嫩滑咬落多汁。炭燒頂級封門柳，伴燒蕃薯，時菜原個蒜頭，封門柳熟成度岩岩好五成熟，牛柳嫩滑又唔鞋口。配左小食炸雞香脆可口，外脆內軟。紅糖薑茶大杯又暖胃，西班牙咖啡配左雪糕球好味，咖啡味濃郁仲有百力枝食。…查看更多