影片
更多
2022-12-26
518 瀏覽
行過廟街見到一間「The Jungle」，裝修風格幾有森林風，就俾佢呢種森林感覺吸引咗入去The Jungle 原來係食尼泊爾菜及墨西哥菜的地方，反正未食過尼泊爾菜就試下啱唔啱自己口味尼泊爾鄰近國家為中國，印度及不丹；飲食文化不多不少受鄰近國家影響，尤以受印度為甚，例如食咖喱，用手抓食等同時由於宗教因素，尼泊爾人普遍不吃豬肉作為少數族裔，居港尼泊爾人約有4️⃣萬人，餐廳就可以成為尼泊爾的聚腳點假日晚上餐廳坐滿了客人，人手不足下店員仍能保持良好服務態度實在難得👍🏻餐廳整晚一直播放著輕快音樂，燈光昏暗好有酒吧感覺==========🔹 Momo 尼泊爾餃子 (蒸或煎) $88可選雞肉/豬肉/芝士，我揀咗蒸雞肉餃子用蒸籠送上，嚟到時熱辣辣粒粒飽滿的餃子賣相非常吸引，配上一個辣醬汁雞肉軟滑富肉汁，餃子皮滑帶煙韌感，蘸上辣汁令味覺層次提升推介指數：9/10==========🔹The Jungle Salad 卡普雷塞 $118(什錦森林葉，車厘茄，青瓜，紅蘿蔔，洋蔥和廚師特製沙律醬)份量充足，仲加入幾片香滑Creamy的牛油果蔬菜清新爽甜，配上微酸的沙律汁夠開胃推介指數：8.5/10=======
The Jungle 原來係食尼泊爾菜及墨西哥菜的地方，反正未食過尼泊爾菜就試下啱唔啱自己口味
尼泊爾鄰近國家為中國，印度及不丹；飲食文化不多不少受鄰近國家影響，尤以受印度為甚，例如食咖喱，用手抓食等
同時由於宗教因素，尼泊爾人普遍不吃豬肉
作為少數族裔，居港尼泊爾人約有4️⃣萬人，餐廳就可以成為尼泊爾的聚腳點
假日晚上餐廳坐滿了客人，人手不足下店員仍能保持良好服務態度實在難得👍🏻
餐廳整晚一直播放著輕快音樂，燈光昏暗好有酒吧感覺
==========
🔹 Momo 尼泊爾餃子 (蒸或煎) $88
可選雞肉/豬肉/芝士，我揀咗蒸雞肉餃子
用蒸籠送上，嚟到時熱辣辣
粒粒飽滿的餃子賣相非常吸引，配上一個辣醬汁
雞肉軟滑富肉汁，餃子皮滑帶煙韌感，蘸上辣汁令味覺層次提升
推介指數：9/10
==========
🔹The Jungle Salad 卡普雷塞 $118
(什錦森林葉，車厘茄，青瓜，紅蘿蔔，洋蔥和廚師特製沙律醬)
份量充足，仲加入幾片香滑Creamy的牛油果
蔬菜清新爽甜，配上微酸的沙律汁夠開胃
推介指數：8.5/10
==========
🔹Kirat Traditional Set 傳統尼泊爾米飯拼盤 $118
(孜然姜黃飯，腌製豬肉和青菜，發酵黃豆和菜，血腸，尼泊爾醬，水牛肉乾，葵瓜子醬）
老闆推介菜式，告知可以食到地道尼泊爾菜的味道
腌製豬肉有肥有瘦，口味偏辣；水牛肉乾脆彈輕身；葵瓜子醬清香；血腸有類似港式膶腸的口感，味道特別；姜黃飯味道不重
推介指數：7/10
==========
🔹BBQ Baby Back Ribs 燒烤豬肋骨 $138 (Half Rack)
半排份量也不少
豬肋骨燒至微燶，口感腍滑有嚼勁
薯條係我鍾意的偏腍口感，加入類似bbq 粉調味，比起平日只以鹽調味的薯條有誠意
推介指數：8/10
==========
🔹The Jungle Tacos 墨西哥卷 (Grilled beef 烤牛肉) $148
(軟墨西哥粟米薄餅，混合蔬菜，水牛芝士，番茄莎莎醬，牛油果醬)
賣相得體的卷餅，未食已充滿著期待
先滴上青檸汁令味蕾更清新
餅皮微脆香軟，配合紫椰菜跟水牛芝士，牛油果醬及烤牛肉，口感層次非常豐富
牛肉烤得香口帶不錯的牛味，調味不過重
以大量蔬菜去解烤牛肉的微膩，超讚！
成為我成晚最喜歡的菜式
推介指數：10/10
==========
🔹Mocktail: Mixed Berries Smoothie $58
(Fresh Mixed Berries, Yoghurt, Almonds, Condensed Milk)
賣相非常吸引，仲有三款新鮮莓果可以食
莓味濃郁，加入香口杏仁碎令層次提升，酸酸甜甜好開胃
甜度適中，由於冇加冰，所以飲到尾都冇變淡
推介指數：9/10
==========
🔹Mocktail: Coco $48
(Coconut Water, Pandan, Lekon Juice, Gingwr Beer)
朋友點的，飲到淡淡的椰子及斑蘭味，味道清新甜度不高，感覺較健康
推介指數：7.5/10
==========
埋單$7️⃣8️⃣8️⃣
整體用餐體驗不錯，感受到老闆好用心去為客人準備食物，而且有禮又親切友善
間中去感受一下別國菜式也是很好的體驗
張貼
