泰特色泰國餐廳 (已結業)

荃灣，一個每次黎都會有新食肆的地方，餐廳要係度生存下去絕對有難度，所以要係度開業gum耐係有一定實力的。過往黎食過佢個二人餐，已經有一定好印象，果次見到正價主餐牌有全單七折，所以決定再黎試上其他野食。今晚好攪笑地叫左豬為主題，先黎叫左個豬手德國咸豬手，炸豬手，酒樓豬手都常常食過，但泰式就真係第一次食。呢個豬手係鹵水的，個汁唔太咸，豬手鹵得夠腍，最吸引唔係佢個味，而係佢個份量。估唔到一碟係有兩隻，完全超出預算，結果強行先食得曬。講返轉頭，我真係唔知咩係泰式，除左有碟泰式辣汁跟上之外，但個汁又唔算同個豬手好夾。跟手黎個菜，通菜就必定係食泰國🇹🇭野的首選，但因為友人唔食得辣，所以今次無叫最出名的飛天通菜，改為食泰式炒通菜。個人覺得似係蒜頭炒通菜，不過個味都幾香，係略嚴有d咸。主食就係泰式獨特的濕炒河。呢個真係好好食，略帶甜味得黎又可口，炒河最怕的油膩又唔會有，河粉又唔會炒到斷斷續續或者一餅野，絕對係值得推介同埋係水準之作。