老鍋台式火鍋 (京都廣場) (已結業)

天氣凍凍地，又好想打邊爐，今次去左第一次去既老鍋，都好多客人一齊烚下烚下。膠原蛋白美人鍋$228，滋陰養顏。有原隻烏雞，冬菇、粟米，湯好濃郁，飲完湯才打邊爐。酒香花雕醉雞件 $88，未煮和煮完後也有酒香，但雞不算太滑。精選手切牛肩肉 $198，外貌好味道似的，但不算太重牛味。餃類拼盆 $98，鮮蝦雲吞、魚皮餃、極品水餃、韮菜餃，每款兩粒， 餃好飽滿，餡料好足，好味。三秒響鈴卷 $68，現製即炸，需時15分鐘，等都值得啊，脆卜卜，熱烘烘，淥三秒就可以食喇！菜的品種款式好多，我地揀左冰菜 $68，見餐牌寫限量，高纖低卡，豐富維他命B6，口感好特別，好脆同爽口。寬粉條 $38，好貼心，有個兜仔比我地淥粉，易於處理，寬粉粗度如河粉，但比較黏口。