影片
更多
2014-12-01
1700 瀏覽
住咗呢頭咁多年, 一直都無食過呢間歷史食店, 呢日終於捉咗男友仔同我黎試!!推開門果一剎, 哇~ 好懷舊既飯店格局… 黎到既時候人量唔多, 所以隔便搵張細枱坐低~然後, 老闆遞上一張好簡單既餐牌, 同樣係懷舊款雙面手寫, 上面既選擇唔多…我地2粒人, 食量唔大, 所以只係打算叫2個小炒就算:1- 咕嚕肉 併 炸大腸 (呢個原本無雙併既, 不過老闆照做比我地, 只係+$10)因為呢度已經係2個小菜, 所以我地就只係order咗呢樣~等緊上枱既同時, 就係洗碗碟時間, 不過呢度既餐具都好乾淨, 所以隨便洗洗就算!唔使幾耐, 新鮮熱呼呼既美食上枱… 賣相亦相當吸引!!炸大腸酥脆但唔會炸過火而乾, 仍然有軟軟而有咬口既質感, 外脆內軟!!咕嚕肉又即係生炒骨啦, 肉質細嫩彈牙, 完全唔”鞋”而且有肉汁, 外面亦唔會食到一層厚厚既炸粉!!!每樣試咗一舊之後, 真係好想試埋佢地既招牌: 薑蔥霸皇雞!!!一邊食緊枱上美食, 一邊聽到差唔多枱枱都要隻雞, 仲有好多walk-in客仔黎外賣雞飯~所以, 最後決定….. 半隻!!!! 哇哈哈哈…上枱啦!! 上枱啦!! 充滿期待既雞雞上枱啦!!!哇~~~ 半隻
推開門果一剎, 哇~ 好懷舊既飯店格局… 黎到既時候人量唔多, 所以隔便搵張細枱坐低~
然後, 老闆遞上一張好簡單既餐牌, 同樣係懷舊款雙面手寫, 上面既選擇唔多…
我地2粒人, 食量唔大, 所以只係打算叫2個小炒就算:
1- 咕嚕肉 併 炸大腸 (呢個原本無雙併既, 不過老闆照做比我地, 只係+$10)
因為呢度已經係2個小菜, 所以我地就只係order咗呢樣~
等緊上枱既同時, 就係洗碗碟時間, 不過呢度既餐具都好乾淨, 所以隨便洗洗就算!
唔使幾耐, 新鮮熱呼呼既美食上枱… 賣相亦相當吸引!!
炸大腸酥脆但唔會炸過火而乾, 仍然有軟軟而有咬口既質感, 外脆內軟!!咕嚕肉又即係生炒骨啦, 肉質細嫩彈牙, 完全唔”鞋”而且有肉汁, 外面亦唔會食到一層厚厚既炸粉!!!
每樣試咗一舊之後, 真係好想試埋佢地既招牌: 薑蔥霸皇雞!!!
一邊食緊枱上美食, 一邊聽到差唔多枱枱都要隻雞, 仲有好多walk-in客仔黎外賣雞飯~
所以, 最後決定….. 半隻!!!! 哇哈哈哈…
上枱啦!! 上枱啦!! 充滿期待既雞雞上枱啦!!!
哇~~~ 半隻都好大碟, 望落雞雞好肥美, 加上滿滿一堆香噴嚇既薑蔥, 真係見到已經口水流!!!急不及待放一件入口, 用4粒字黎形容: 香‧軟‧嫩‧滑, 雞味香, 配埋薑蔥一齊食, 正!!
雞件非常入味, 就算唔醮佢果個沙薑醬都已經好好味, 不過超愛沙薑既我點都會加, 哈哈哈~
唯一要提既, 就係一堆好正既薑蔥, 調味重手咗偏咸…
不過因為我地無叫白飯 (碟頭唔細, 所以如果叫埋, 就真係食唔到), 所以淨食薑蔥既話就過咸咗, 但係如果用黎餸飯, 就真係一流啦!!!
最後, 我都好堅持每一啖雞都要夾住D薑蔥食, 因為真係正好多, 最多食完飲多杯水啦, 呵呵呵!!
會唔會係我地太細食呢!?
2碟小菜, 2粒人食, 食到最後都係飽到要你推我讓咁…. 雖然最後都清晒碟….
今次呢間老店既美食, 對我黎講印象都幾深刻, 因為質素的確好好, 店員亦都好有禮貌!!
食野唔睇價錢就假既!! 不過重點係, 質素同價錢係唔係成正比, 可唔可以令客人覺得物有所值!!! 希望呢D老店繼續加油, 因為而家真係買少見少….
題外話/補充資料：
眼見好多外賣客仔都係熟客, 店員同客仔有傾有講, 好人情味 feel~
(以上食評乃用戶個人意見 , 並不代表OpenRice之觀點。)
張貼
