港興大飯店

其實本人從來未去過客家，又唔識得客家人，只不過喺呢度食飯，食得出細個嘅時候食客家菜嘅味道。今晚帶咗屋企長輩一共六個人去食飯，預先已經喺WhatsApp訂咗枱，預訂咗一隻八寶鴨同釀鯪魚。去到嘅時候，再嗌咗半隻霸王雞，同埋一碟酒糟炒油麥菜。首先上嘅係霸王雞，上菜嘅時候，以為佢嚟咗一隻雞。因為份量非常充足，就咁睇size，真係似而家出邊食飯嘅一隻雞嘅份量。飯店哥仔話，鹽焗雞同霸王雞都係一樣，分別係霸王雞上邊有薑蔥而鹽焗雞係冇的。雖然好老土，但係雞好滑，雞有雞味喺而家香港嘅食肆唔係必然的。八寶鴨更加係功夫菜。首先要將鴨骨起好，在釀入糯米，栗子，鹹蛋黃各樣嘅餡料酥炸而成食嘅時候外脆內軟味道層次豐富。食嘅時候淡淡都係肉同餡料，我家少爺非常欣賞，因為佢太唔鍾意噒骨啦。釀鯪魚真係唔係度度都有得食。首先要將鯪魚拆肉起骨，再配合豬肉臘腸各種配料打成魚滑，在讓返落條鯪魚入邊。淨係聽到呢啲程序都知道呢味餸唔簡單。 呢間係一間位於大圍好耐嘅飯店，裝修各樣可能未必有集團式嘅餐廳舒服，但係佢哋嘅服務態度好有人情味，小店嘅魅力確實唔係集團式嘅餐飲可以媲美。 最後，碟頭相當充足，叫餸嘅時候千祈唔好眼闊肚窄。…查看更多

老公親戚話朋友帶她去食雞，好味book 了星期日晚上6點入到去只有一枱細枱二人食，唔夠冷，熱死我，我不停撥扇雞是冰鮮雞鹽焗雞無底香味豬肺湯，我們12人，每人只分到一小碗預訂鯪魚，一啲唔好味煎魚腸蛋，咸廁所要上二樓，唔緊要，但唔明樓梯勁dirty, 應從來無抹過總括來說，不會有下次我問番住大圍的同事，她話食過一次，不會再去，又貴，小菜又咸，只知有好老主顧去食…查看更多

两人開開心心从其他地方趕過嚟食好嘢，食到一肚氣，唔會再過嚟食。九唔搭八落單員，一開始坐低就問食咩，話睇陣餐牌先，叫佢轉頭先過嚟，竟然兜個圈就返咗嚟，餐牌都未睇曬，唯有點住两個先，問過佢果個雞窩係唔係雞煲，佢話係，點完雞煲再點個猪肚湯，最後上咗個薑醋蛋雞湯。两個湯加個小菜，1支藍妹連加一收$620,發覺收多咗錢，原來收咗我哋茶錢，一早同侍應講唔要茶，飲啤酒，侍應都話ok,茶也冇上到，最後唔知點解要收茶錢。講返個味道，個猪肚湯中上，雞窩垃圾，簡直係用材料溝水，超難食，小菜一船。總體來講，性價比較低，不值得一試。…查看更多

中大伏！！一入去陣雪臭味濃烈… 已經唔開胃…餐廳菜色名又特別，問個侍應都唔知係咩黎，餐牌寫老酒窩雞同我講係雞煲，但黎到係雞湯…我本身已經叫左一個豬肚湯，又黎一個酒雞湯。但都唔緊要，個雞湯好難食… 就係黃酒+薑+雞… 無其他調味料… 雞又鞋… 好難食… 食到一肚氣… 最後埋單我明明飲啤酒無叫茶都照收茶錢… 🤷🏻‍♂️ 算啦 永遠唔會再食依間野……查看更多

傳統老店於1988年開業，年旬80的大廚一手撐着，為呈現最正宗的客家菜。公公拿着有關港興大飯店的報章報導給我看，暗示他想去，一個月後（2024年3月16日）到了大圍大吃一餐。當眼的紅色大招牌，充滿80年代味道。餐廳有兩層，歩上樓梯級時要格外小心，因為地面比較濕滑。上到二樓時，第一感覺是冷氣很大，熱茶才端出來，不用兩三分鐘就降溫了。沙薑雞腳🐤欣賞廚師把雞腳去了甲，可是沙薑味一點也不重，只吃到雞味重。悲苦心刻炆牛骨髓🐄 [推薦]很少食肆會提供牛骨髓，牛骨髓與冬菇、西蘭花、草菇成炒成。全靠三鮮芡汁豐富牛骨髓的味道，滑溜溜的口感，吸了菇類的鮮味。酒糟肚尖掛天邊🐷本以意為是炒魷魚，原來是豬的內臟。採用了豬肚突出的部位，則是等於要兩至三個肚才能做出一小碟。尖椒的辣味，配上酸菜，酒糟的甜酒味，酸酸甜甜，火候精準，口感爽脆。懷念過去八寶鴨🦆預先預訂了，免得白行一趟。一道極具功夫的心思菜，先把鴨骨，剩下皮肉，再讓入已經炒香糯米飯，最後沾上炸粉拿去炸。齒頰留香的鴨脂帶到飯裏，配上蝦米、冬、栗子、鹹蛋豆類，口感煙靭。夢如人生豬肚湯🐷不能在他們的菜單名稱中直接猜透是什麼餸菜。原本以為是咸酸菜豬肚菜，誰不知是白色的色澤。有點像腐竹糖水的味道，但是咸的版本，味道上一般，但暖胃。蒜蓉炒白菜仔🥬這道菜足足遲了9個字才到，原本以為餐廳忘記了，誰不知在叫結帳前端了上來。普普通通，沒什麼評價。很多時候「傳統是否應該要保留」都是一個爭議性的問題，我個人認為在保留傳統、老派菜式時，更應保持到水準，才能喚醒食客懷念的味道。在更難做的菜式，更應保持到味道，才能叫年青人刮目相看，支持舊派的風味。港興大飯店在這方面沒有給予我很大的驚喜，我敢言我根本沒有衝動再去第二次，但我仍希望傳統的餸菜，古有的味道能一直承傳下去。…查看更多

這次的美食之旅帶我到了一家香港本土的客家餐廳，點了幾款道地的好滋味！ 🥢 牛骨髓三鮮絕對係重頭戲，牛骨髓香濃得滴，入口即化，配上鵪鶉蛋，香菇同粟米心，一啖啖都喺歡喜嘅滋味！ 🍲然後個肉碎煎釀豆腐浸客家蛋角啊，真係可以講得上係家鄉滋味。咬落去豆腐嘅鮮香同蛋角嘅酥脆交織，簡直係味蕾嘅雙重享受！至於霸王雞，滿盤蔥花，賣相吸引。雖然雞肉冇佢哋話嘅咁滑潤，但鮮香係在，啖啖肉實肥美，吃到碟底都唔捨得放筷子。 😋獨特嘅味道，平實嘅價錢，這家餐廳係啱哂想品嘗正宗客家風味嘅你！平歸平，但質素一啲都唔減，下次想飽餐一頓嘅時候，記住要回味一下！…查看更多

老菜式，價錢合理，不是浪漫餐廳但適合家人老友聚會。加一服務費。茶每位$12-紅酒开瓶费$39/枝。烈酒$50-/枝。蛋糕$50-絕對合理。有牛骨髓和魚腸吃。客家酒糟炒米粉。炸大腸，蓮藕朱肉餅。鹽焗珍肝。朱肚湯。蛋角豆腐。網油蠔豉敢食嗎！炆鵝掌翼！全部都好味。…查看更多

好耐冇食呢間又住附近，就今晚試吓.其中一碟係炒豆苗，食到一半時發現有隻曱甴屍體夾在豆苗內，即刻同職員講. 職員完全冇道歉，只係話換過碟比我哋…..好難接受今時今日仲有衛生咁差嘅酒樓.…另外叫咗銀杏豬肚湯，唔甜冇乜味道. 鹽焗雞就一般還可以. 整體食物平平，價錢貴，衛生環境不好. 唔會有下次！…查看更多

12月31日晚，一行四大人一小朋友，叫了四個小菜共404元，三個白飯36元，五人茶位費竟然60元，加10%服務費，550元埋單。期間紅燒豆腐未上，追問二樓個阿伯（樓面），佢話豆腐供應商未送嚟，叫佢取消。佢問我叫了一個白飯仲要唔要，我話豆腐唔嚟，白飯就唔要，佢話唔要就唔要，唔使講咁多嘢。埋單時覺得貴，看一下賬單，樓下的收銀員，極之不滿意，對其他人說，我要查單。原來這家餐廳客人想了解一下收費，員工都不願意的。餐廳裝修非常陳舊，樓上隔音設備太差，太嘈雜。這樣的服務，這樣的裝修，這樣的收費，我絕對不會再去第二次。希望他們繼續保持這樣的服務，這樣的裝修，這樣的收費，我為這店的老板擔心，不知什麼時候倒閉。…查看更多

早幾日聽人講起呢間喺大圍坐落幾廿年嘅傳統懷舊飯店，主打客家菜，同時也供應各類廣東菜，未試過就即興約幾個朋友仔放工後搭幾個站過嚟幫襯，睇完餐牌發覺種類繁多花多眼亂，最後嗌咗鹽焗🐔（偷食完先記得要相機食先😂）、蛋角煲、咕嚕肉同酥炸雙併（春卷炸大腸），餸菜都好快送到檯，就咁睇賣相已好吸引，食入口時全部都熱辣辣，味道仲要有驚喜咁有水準，正呀，我哋仲成晚系咁叫職員沖茶添水拿公筷但啲職員都好有禮貌冇托手踭咁服務我哋，我一路食好西兼同朋友仔吹水吹足成晚，好開心同好滿足，三條女食唔晒都惜食打包帶走，邊個話懷舊冇好嘢，真係唔試過又點會知😋！…查看更多

父親話在我童年時來過，今次預祝他生日，在此晚膳慶祝，點了招牌菜八寶鴨、酥炸雙拼、不記得什麼雜菜煲、牛骨髓炆三鮮，八寶鴨味道很好，材料入面有咸蛋黃，但很快就飽，其他菜色只能淺嘗，酥炸雙拼最為美味，是炸大腸和素腐皮卷，雜菜煲的菜亦很鮮嫩，牛骨髓炆三鮮，小時候很喜歡吃，但現在戒吃牛肉，只能吃鮮菇， 鮮菇調得味道適中，整體客家菜做得很好 ，不過由於是老店，所以環境一般。建議可以叫6個人也可以吃到4款小菜，4個人吃4款小菜，有機會剩。…查看更多

好多年冇嚟港興，今次重遊舊地，發覺食物味道真係唔掂😨 個霸皇雞肉質算滑，但好咸！紅燒豆腐個汁「杰」到一個點，又係好咸！金銀蛋莧菜個湯，一個字「咸」！最誇張係個雞蛋煎魚腸，仲可以咬到一粒粒嘅鹽…… 最後發現，全餐飯唯一唔咸嘅得白飯同罐汽水🤣另外，環境同服務就唔好有期望喇！最後埋單四個小菜、兩個白飯加一罐汽水，盛惠$570。…查看更多

晚上6:00到，可能冇預約，叫客家蒸鳝及雞，冇，猪肚湯，也冇，叫客家豆腐，也冇。已经想走，但太倦，唯有叫店長推介咕噜肉。另叫必吃梅菜扣肉及紅燒豆腐。除了扣肉正常，其它水平令人失望。服務及環境都不理想。第一道菜等20-30分鍾......冇下次…查看更多

呢間中菜館好耐以前睇報紙介紹過，一直冇機會試，有時去大圍踩單車都會經過，知佢開咗好多年係老字號。今日晚飯終於有機會試到，環境非常之殘舊，有啲污糟，但見佢座無虛席，食物質素相信不錯。我叫咗三餸一湯，梅菜扣肉，炸大腸，炸腐皮卷，腐竹豬肚湯。梅菜扣肉比我想像中做得冇咁好，扣肉尚算可以，唔太肥食落， 但梅菜太鹹仲帶一啲酸味，我唔知係佢做得唔好定係本身係咁，反正唔太啱我口味。炸大腸同炸腐皮卷都好食份量好足夠，無可避免有啲太油膩，唔可以食太多，如果人數多啲分享一齊食會更加好。豬肚湯係我最滿意嘅，豬肚唔會太難咬開，個湯煲到好鮮甜，亦都有啲白果喺裏面。價錢俾我想像中貴，用呢個價錢都可以有好多選擇，而且環境唔太衛生感覺。…查看更多

今晚四人叫左6個菜，晚飯800左右半隻鹽焗雞正常梅菜扣肉瘦肉有d硬炆三鮮正常煎炆豆腐我覺得整得幾好食炒白菜冇特別豬網油蠔豉卷尼個就想老細留意下首先佢提供兩個醬，一個沙律醬一個酸甜醬，酸甜醬做得好，酸味比較多。老細都識講尼一味菜好肥膩，半件都成寸厚，1/3尺長，太大件了，炸得好香脆，入面豬網油蠔豉肉碎都好香。認真不如考慮吓整細件一點，加啲木耳雲耳或者芹菜。食落去唔會咁肥膩。或者一口一件，一定滋味好多。因為大件到真係好似成舊肉隊落把口度。…查看更多