Pizzeria Italia (摩羅廟街)

營業中

休息中

今年心中有個目標係試哂香港嘅Pizza，呢間我都bookmark咗一段長時間終於嚟咗啦！佢到咗夜晚有set dinner 選擇，我哋揀咗呢個2人套餐有頭盤拼盤，pizza，一個主食同飲品。頭盤拼盤入面有好多款小食，有炸新鮮魷魚，自製雞肉炸丸子，烤麵包配自製蕃茄莎莎醬，煙三文魚配酸豆橄欖油，意大利鹹魚配多士，一個拼盤滿晒多個願望。Pizza揀咗巴馬臣火腿，哥根蘇拿芝士，薄底香脆巴馬臣火腿濃郁的鹹香一啖接一啖，芝士嘅奶香味與火腿的鹹味形成絕佳的對比。主食就係白松露牛肝菌意大利燴飯，米粒外軟內韌，散發著濃郁的奶香和香料的味道。牛肝菌則增添了豐富的鮮味和肉質感，口感滑順，與米飯的綿密度相得益彰。