厚福館 (南角道) (已結業)

星期六,同班friend搵野食!!個日涼涼地,所以立刻諗起打邊爐!打邊爐就立刻諗起九龍城!去到九龍城架車直接去目的地,厚褔館!!原來個friend食開!我就好耐無去啦!! 其他唔講!直接去片! 牛;1牛粒 2手切牛 3生牛肉!!!!!正手切牛都有兩種,一種有咬口,一種有肉味,好像話一種叫頸脊,一種叫肉眼邊!!超好味!我鍾意食有咬口 海鮮:1象拔蚌 2貴花蚌 3花竹蝦無野好講!!因為新鮮,所以好味!d花竹蝦影唔到相!一黎就俾人食曬lu!! 重有食水餃.牛肉餃.手打丸.雞子.豬潤.脆鯇片.鵝脹!好味!! 最重要介紹個湯底,菜干豬肺!鮮!! 最後要講係老字號,係唔同d!!!d野好食係重要,但呢間鋪頭除左食物好,有招呼,重有份親切感,同d店員有講有笑!唔似d新派食堂,你有你食,佢有佢忙,好冷漠!!佢地話冬天前會裝修,因為都21年喇!!叫我地到時再黎,所以我一定會再黎幫襯!